Tulaai Leitung Thuthang
Tuamtuam Updates April 23, 2014
· USA gam aom Zomi te
Nausuak letmat, Kiteenna Letmat, Kikhen na letmat leh Sihna letmat cihte
mangsak ahihkeh athak deih , deih thuah cihbang I omkhaak zenzen aleh, www.vitalcheck.com pan manlaangtak in ki
order ziauziau thei a ni 5 khawngbek kaai in manglang mahmah hi. Hih website
nahawh lecin nadeih laai ongteelsak ding a tuakhit ciang na state cihbang in
teelding hiteh US gambup koikoi kingah hi. Atheilo te ading cihna hi ee
· Chin state Election Commission te in ongtungding By-election leh 2015 kiteelpi
ciang anuamtuam ding in Township 9 leh District 3 ah asawtlo in Election Zum
hongding hi ci in April 23, 2014 ni in taangkokhia uhhi. By-election ah Kawlgam
bup Parliament tutna 30 a awnglak ah Chin state ah nih bek awng ci uhhi.
· Kawlgam mihangsan mithupi lak ah khat ahi U Win Tin
tawh hun hun nunung peen Yangon Khuapi ah April 23, 2014 ni zingsang nai 9am
pan kipan nitaak nai 5 in leisung ah kituh ta hi. Hih sihvuina ah Daw Aung San
Suu Kyi , Ko Min Ko Naing te akipan makaai tampi tak leh mipi 50,000 bang in
sigaal uhhi. USDP Gaalkaap party lam pan kuamah pailo baan ah beihanhan vuau ci
in nui pempuam geuh uhhi.
· Japan gamte neihsa Namgimtui adim a apua Tembaw pikhat
Malaysia gam Tanjung Karang tembaw khawlna pan tai 21 na ah April 23, 2014 ni
in thautawi pawlkhat Speedboat tembaw tung kahto in Tembaw naseemteng mancip
uha Namgim tui adeihzah uh adang Tembaw nih ah ateikhit uhciang taaisan uhhi.
Tembaw naseem te zong amau le amau akhihcipna pan hanciam in suaktakik uh cihi.
Tembaw naseem teng lak ah Kawlgam,India,Thailand leh Indonesia gamte kihel
uhhi.
· US President Obama Asia gamsung a a zawlte uhtawh
kimukhawmding in April 23, 2014 ni in Tokyo khuapi tungta a Japan PM Shinzo Abe in vaai nadawn hi. Obama Asia
gamsung ah ni 8 taamding a, Malaysia, Philippine , South Korea gamte
baangkawikawi ding hi.
· Democratic Republic of Congo gam Katanga state sung ah
April 23, 2014 ni in Meileeng khat mitam tuanglua ahihman khohlo in kibung a,
mi 63 sipah in 80 naakpi tak in liam uhhi.
· Malaysia Vanleeng mang I athem hikhading a kilam en
mahmah Siktum lianpi khat kuama upmawhlohna zong akizon lohna Australia gam
Augusta khua pan km300 na ah Nautaang pawlkhat in April 23, 2014 ni in namu
uhhi. Malay Vanleeng tawh kinahvawh hiam cih Australia leh US mipil pawl in
asit tel laaitak uh ahihi.
· Ukraine gam nisuahna lamteng a om Russia gamtawh
kigawmding adeih thautawi te heemkhia nung ci in Russia te nungkaal sung a
akamciam uh huihbek hilo in sephunta ci in US Vice President Joe Biden in April
22,2014 ni in genkhia hi. Ukraine gaalkaapte in zong hih Russia deih thautawi
te nawt ngiatngiat kawmkaal ah Russia Foreign Minister Sergei Lavrov in TV pan
nitumna gamte leh US khaktan na peen Russia te khuasikmul zong hikzolo hi acihkawm
in Ukraine gaalkaap ten Ukraine nisuahna lam a om Russia minam avaal a adokhaak
leh Russia in thukding hi ci in April 23, 2014 ni in genkhia hi.
·
Lungdam
ei
Thang
Khawm Pau Zomi