Tulaai Leitung Thuthang
Tuamtuam Updates April 14, 2014
· Kachin Independent Army/Organization KIA/KIO Gaalkaap
Gaaldo mangpi nihna Buyoke Gummaw leh Lawmte 3 US Secretary of State sapnatawh
Washington DC khuapi April 13,2014 ni in ongtung uha, USA gamsung ah ni 12 sung
taamding uhhi. Bu Gummaw in agenna ah Kachin leh Kawk gaalkaap kikaal thu kagen
kawikawi ding uha, kumpi lam Ulian tuamtuamte tawh kakimuding uh ci in April
14, 2014 ni in genkhia hi.
· Kawlgam Democracy Makaai Anipi Saw Aung San Suu Kyi April
14, 2014 Piantit nai 12 pm in Piantit gam tungta a, nithum sung bek hunngah
ahihman kimuhpihding tampi takte lak ah Piantit gamtung Kawlgam mite tawh
kimuhding kiphiatkik ci in Nipi in April 14, 2014 ni in gensamsam hi.
· Leitung ah mihing tebek akinam kiss theiding isak leh
Kawlgam zong ongkhangto mahmah ta ahihnatawh kizui in April 14, 2014 zingsang
nai 6:30 pawl in Yangon International Airport sung a khawl Vanleeng nih kinam (
kiss ) ta uhhi. Aki kiss ciangbek hilo in kipetkha uh ahihman in tawmtuak
depgawp mawh ci hi.
· Malaysia vanleeng ahiding ci a ki ummawh Black Box
peen ni sawmthum cingta in Battery beita gingnawnlo ahihman in April 14, 2014
nipan Zondan kilaihta a Bluefin-21 Drone kici tuipi sung scan a amah le amah a
vaakkawikawi thei thautang khahkhia tamaiding in Australia thuneite in
taangkokhia uhhi.
· Nigeria gam Abuja khuapi laaizang a om Bus khawlna
phualpi ah April 13,2014 zanlam in Bomb
tangnih nasiatak in puakkham ahihman in mi 70 vaalsi a 146 naakpi in liam uhhi.
Boko Haram singnuaimi ten kosep hiveh aw ci in April 14, 2014 ni in taangkokhia
uhhi.
· Ukraine gam nisuahna lamteng ah Russia gamtawh
kipawlding adeih mipi thautawi te in Ukraine kumpi te vauna laukilkel lo in April
14, 2014 ni in Kumpi inn te abanban in buluh to miahmiah mai in thauvui khu
ziahziah hi.
Lungdam
ei
Thang
Khawm Pau Zomi