Tulaai Leitung Thuthang
Tuamtuam Updates April 13, 2014
· Germany gam Berlin khuapi a aom Free University
Huangpi sung ah Kawlgam Democracy makaaipi Daw Aung Saan Suu Kyi leh Germany
gam a om Kawlgam mi Innkuante April 13,2014 zingsanglam in kimukhawm uha, Nipi
Suu Kyi in NLD leh Gaalkaap te 2008 thukhunpi puahnading vaai ah muhna
kibangtheinaailo ci in genkhia hi.
· US gam Kansas City sung a om Jewish Community Campus
sung ah April 13, 2014 ni in Mikaang papi 70 dingkhat in miphialkaap a
Christian Dr Siavuan khat leh atupa, adang nupi khattawh mithum si in pawlkhat
liam uhhi. Mikaappa kimanpah a hihthu buai hang in President Obama in dahna
pulaakna leh Kumpi lampan manlaangtak kankhia a vaaihawmding in genkhiapah hi. Mikaap pa ahihleh Monday Aptil 14,2014 niciang
thukhen zum ah kilakkik ding ci hi.
· Chile gam Valpalaiso
khuapi kiim teng ah April 13, 2014 ni in nasiatak in gamkaang ( meikaang
) ahihman in mi 12 sikhin a, mipi 10,000 vaal in inn le lo nusia in muanhuaina
munzuan in taaikeek khengkhang uhhi. Hih Chile gam ah tulaaitak Zomi Minam ahi
Sia Jacob Mung aom laaitak zong ahihi.
· Mexico gam Varacruz state sung ah April 13, 2014 ni in
Bus pi khat leh Lorry pi khat kiphukha a hihman in Bus kaangtum a mi 36 si pah
in mi 4 peen silo sam in zato kipuak ci in Varacruz kumpi thunei te in
taangkokhia uhhi.
· Ukraine gam nisuahna lamteng ah Russia gamtawh
kigawmding aut thautawi pawl leh Ukraine gammah adinding athukim thautawipawl
langnih nasiatak in kikaap uh ahihman in Ukraine kumpi te Monday ni April 14,2014
nipan Gaalkaaptha zang in Russia tawh kigawmding aut thautawi te zialding in
April 13, 2014 ni in taangkokhia uhhi. Hih tawh kisai UN Security Council in April 13, 2014 ni Thukin thukikupna khat nei
uha, Russia in Ukrain ten thatang zanglo a athu tawh nasepding hoih ci uhhi.
US,Ukraine te leuleu in Russia ten Ukraine nisuahna lam namawk luahsawm uh
khawlzaw un ci in kiseelbuai uhhi. HIh
Ukraine gam nisuahna lam teng ah Russia kampau minam te atampeen uhzong ahihi.
· Afghanistan gam kiteelpi na ah Dr Abdullah in state 26
ah meetang 500,000 bangngah ta in percentage tawh 41.9% ngahta ahihman in ahaatpeen dinmun ah om a
President ngahtheiding in lam etna ngah hi. Dr Abdullah peen 2009 kum a
President Hamid Karzai alel pa zong ahihi. Kawlgam bang hileh Tapong
adingpahding hiven aman demkik ciatciat le lei
Lungdam
ei
Thang
Khawm Pau Zomi
