Tulaai Leitung Thuthang Tuamtuam Updates March 4, 2014
·
BIMSTEC kici Bangladesh Tuipi pang a teeng gam
tea hi Myanmar, Bangladesh, India, Thailand, Srilangka ,Butan,Nepal gamte athumveina khawmpi Kawlgam khuapi
Nypidaw ah March 4, 2014 ni in nuamtak kibawl a nasepkhop ding namthum thukimna
suaikaai thei uhhi ci in U Thein Sein in mipi mai ah genkhia hi.
·
Mualtungmi namkee thukan te khawmpi Shan gam
Taungyi khuapi ah March 4, 2014 ni in kipan a nithum sung kaaiding hi ci in
Thuvaaihawm pawl in gen uhhi. Chin mintawh thukan 2 kihel a, pawlpi 40 vaal
akihelna lak ah Zomi min kihello buang hi. (Internet sung khawng ei le ei kihai
toto sang hihte pawl ah kihel huai hi.)
·
North Korea gamte in USA leh South Korea te
atona kawm un Korea tuipi dungteng ah March 4, 2014 ni in Missile thaupi lawn leuleu uh ahihman in
USA te in thau lawt ongkidawm mahmah un ci in Vau giapta uhhi.
·
Ukraine gam Crimea tuikulh Russia te in Buluah
in gaalkaap thatawh a uk laaitak Ukraine
gaalkaapten zong mawkkoih sawmlo himah leh UK te in Ukraine gaalkaap te kiang
napan masa kei un ci in March 4, 2014 ni in vaaikhak uhhi. US te leuleu hih
Crimea a Russia te gamtatna peen gaaldeih uh ahihi cih agenphet in Russia te in
Nuclear apuathei agamla kaapna Missile thaupi A Topol RS-12M Caspian tuipi tung
ah lawngiap uh ahihman in Leitung linglawng mahmah ta hi. Tulian in Russia
gaalkaap alom atang in Crimea tuikulh tung Ukraine gaalkaap phualpi teng umcih
khinta uhhi.
·
Venezuela gam buaina khang semsem a ahih man in
UN General Secretary Mr Ban Ki Moon in lungphona anei mipi te thu ngaihsak unla
koicibang in alaailak ah vaatsatding cih thuhoih zong un ci in March 4, 2014
ni in Venezuela kumpi te zasak hi. Hih
Venezuela zeel zong Russia mah in angvan zeel ahihman US leh adangdangte gina
in Cuba gam ah gaalvanthupi pawlkhat tuahtuah ta hi.
·
Leitung a teenna ding a ataman mahmah khuapi 131
te pan 2013 kum in Japan gam Tokyo khuapi akhatna ah om himah leh 2014 ciang
Tokyo khuapi kheng in Singapore akhatna akuivum peen ah omta hi ci in Economics
Intelligence Unit ( EIU ) te in March4,2014 ni in pulaak khia uhhi. Singapore a
om Zomi te peen tuni a kipan mimawkmawk lo nahi ta uhhi.
Zom
toto ni ei