Tulaai Leitung Thuthang
Tuamtuam Updates March 02,2014
·
Ukraine gam khenkhat Russia gaalkaapte in March
2,2014 ni in ukcip ngawngaw ta uhhi. Tu lian in Ukraine gam sung ah Russia
gaalkaap 15,000 vaal om hi ci in Predient Obama in tuni in genkhia hi. March
1,2014 ni in President Obama in Phone
tawh Russia President Putin minutes 90 sung hopih a, Manlang tak a Russia
gaalkaapte Ukraine gam pan lakkhiat ding gen himah leh Putin I Russia mite bitnading Russia gaalkaap
te khutsung ah om cihsan ziau hi. Ukraine gaalkaao pawlzong tamlua lawmlawm
himah leh si le naang a daalzawhna ding in gaalhuh pawlkhat kisapbeh in kinaak
ginmahmah ung ci in Defense Minister ten-genkhia uhhi.
·
Russia te
in hibang in agamtat na uh NATO, G8-G7 te in nasiatak in khaam uh himah leh
Russia te in thudon kilkel lo ahihman in March2,2014 ni n Pope Francis in St
Peter Mungsiangtho pan Hih Ukraine gam vaai Asian theihnading in leitung bup
makaaite kikum khawm in vaai ahawmloh phamawh agenkhit phet asawtlo in President Obama in German PM Angela Merkel,
Britain PM David Cameron, Poland President Bronislaw Komorowski te phone tawh hopih pah zangzang in nasepzia
ding kikum khawm uhhi.
·
Russia gaal Tembaw pi te abanban in Kiev khuapi
ah ongkhawlto detdet ta ahihman in Ukraine gaalkaap te leh mipi ten patau
mahmah ban ah leitung bup phial zong kibuai mahmah ahihi.
·
Pakistan gam khuapi Islamabad khuapi sunga
om District court pi maai ah migilo te
in march 2,2014 ni in nasiatak in bomb puakham sak uh ahihman in mi 11 sipah in
mi 24 liam hi ci in Pakisatan palikte in taangkokhia uhhi. Kua pawl nasepna cih
kikantel zonaailo cih genbeh hi.
·
Libya gam Tripoli khuapi sung a aom General
National Congress zumpi kumitung lungkimlo mipi te in March 2,2014 ni in sim uh
ahihman in Libya gam Parliament zalian
Upa nihte thautawh kikaap kha in naakliam mahmah uhhi.
·
Australia gam Queensland saklam a om Moondarra
kici bualsung ah March 2,2014 ni in Pi 10 asauding Guulpi khat leh Awlee pi
khat suntha paai nasia tak in ki Zobuan uha, Guulpi in zo ahihman in Mualtung
ah kahpih in ne hi ci in akiim akiang a omte in video azaihsa uhtawh BBC tung
ah genkhia uhhi.
·
South Korea te leh US gaalkaap te in kipawlkhawm
gaaldokhopna abawlsung un North Korea te in lauphawnna in March 2,2014 ni
sungbekbek in anaaikaapna Thaupi nihvei mawklot uhhi ci in South Korea makaai
te in genkhia uhhi.
Tulaai
Leitung Thuthang Tuamtuam Pasian in kum khat leh kha 2 ongkalsuanpih ta ahihman
in Pasian min kaphat masa hi. Mipawlkhat te in hun ngahman, mindeihman leh
cimphawng peuh a, laaigelh in ong ngaihsun oma, ahizong in mi tampi mah in
nongsimsak tha nongpiak man un lungdamna lianpi kongpulaakkhia hi.
Hih Thuthang banghaang
in ongpiangkhia
Leitung mihing te lak ah 98% te I atheihnop peenpeen thu in Thuthang ahihi ci
in mipil te in genkhia uhhi. Tuamah bang in Tuni ciang Zomi ka kiho pih
masaksak in bangthu lamdang om cih hikinken ahihman in Zomi atam theithei
muhding in Tulian a leitung thuthang kihawmkhia zoleh cih ngimna tawh
ongpiangkhia ahihi.
Tupna leh Ngimna
1. Zolaai
puahzawh zuunzawh nading & Mipin Zolaai atheih seemseem nading
2. Hun
tomno sung in Zomi te in Leitung thuthang kimtak a ngahkim ,theihkim zakkim
nading
3. Thuthak
mantak a theihtel nading leh Mipi tung laaisim nopna, gam,minam itna akhan
nading
Beina tawh kisai
Nikhat nai 2-3 sung hunbei tawntung in kaalkhat ni 6-7
Thuthang nasepna kinei tawntung hi.
Sources:
RFA Burmese, VOA Burmese, Irrawaddy Burmese, BBC English, CNN
English, AFP English, The New York Times English, Chinland Guardian English,
Bangkok Post English
Thang Khawm Pau Zomi
Private
Volunteer News Agency
