Tulaai Leitung Thuthang
Tuamtuam Updates March 23, 2014
·
Ni 8 bekbek akisam laai 2014 Kawlgam bup milip
kisimna ah Rohingya cih minam helkie un ci in Rakhaing minamte in March 23,
2014 ni in kumpi thuneite tung ah ngetna nei uhhi. Azenzen in hih Rakhaing minamte
ngetna kawlkumpi in amanzawhkei leh nasia tak in Rakhaing minamte in 2014
kawlgam bup milip kisimna nial in lungphona kaneiding uhhi ci in gen uhhi.
·
Ongtungding April kha kaal masa sung ah
Mualtungmi thautawi kilemna vaaihawmpawl ahi NCCT makaai te Yangon khuapi ah
Kawlgam kumpi kilemna vaaisai U Aung Myint tawh kimuding paiding ci in March
23, 2014 ni in taangkokhia uhhi. Hih kimuhkhopna ah Mualtungmi lampan deihna
pulaakna nam 7 te leh kumpi lamte a akihualtheih nading in kikumkhawl ding ci
uhhi.
·
USA gam kumpipa zi The first Lady Mr Michelle
Obama atanu nih tetawh China gam March 20 ni in vanzin uha, China gam kumpi
ulian pawlkhat tawh akimuh khopna nei uhhi. March 23, 2014 ni in US
palaaizum akibawl pilnatawh kisai kimuhkhopna ah thungen nei in pilna sinna ah
Nu le Pa ten tate ading hanciampihding hanthawn hi.
·
Russia gam te in Ukraine gam Crimea bek hilo in
Ukraine gamgi nehtoto uh ahihman in NATO Commander Gen Philip Bleedlove in
Russia te kidawm un ci in March 23, 2014 ni in vau ta hi. Ukraine national Security and Defense Chief
ANDRIY PARUBIY in Russia ten ongneh laaileh adoding in gamgidung ah Ukraine
gaalkaap te akigingsa in om hi ci in genkhia hi. Russia Deputy Defense Minister
Anatoly Atonov in Russia te UN thukhun palsatlo hi ci in March 23, 2014 ni in
genkhia hi. Russia deihlo mipi te in Ukraine khuapi Kiev khuapi sung March 23,
2014 ni in daitak lungphona nei uhhi.
·
USA gam
Washongton state Oso khuapi pan tai 50 Seattle khua saklam munkhat nasiatak in March 23, 2014 ni in
mencim a, Inn 6 kisai in mi 3 si a
pawlkhat nasiatak in liam uhhi.
·
Venezuela gam ah President Nicolas Maduro
makaihna deihlo lungphona aneimipi te
lah March 22 ni in thautawh kikap ahihman in mi 3 thaukhaak in si uhhi.
Venezuela gam ah lungphona hang a misi 33 phata a leitung anawngkaaisak zoding
buaina khat hiding in kilung himawh ciat hi.
·
Kenyan gam Mombasa khua nawl a Tapidaw biak
innkhat ah March 23, 2014 ni mipi akikhop lingling laaitak un migilo pawlkhat
thakhat in thautawh luut in bankaap uh ahihman in mi 4 thakhat in si in
pawlkhat liam uhhi.
·
Malaysia gam
ah March 8,2014 ni a amang Khualzin
239 apua Vanleengpi kaalthum sung akizon
khitciang Australia, China ten Khuaphelep manzaihna tawh athemdaan mu ci in
agenkhit uhciang March 23, 2014 ni in French te tuakiim mah ah Vanleeng pumpi
them tawh kibang sing leh sik Khuaphelep manzaihna pan mu ci in taangkokhia
leuleu uhhi. Tuni dong akitelcian lian
bangmah omnailo a kizong saan laai hi.
·
Taiwan gamte in China gamtawh sumzon sumzuakna
kinehzawh theihnading thukhun thak ageelna na hang in Taiwan sangnau te
lungkimlo in kaalkhat vaal lungphona aneihkhit uhciang March 23, 2014 ni in
Taipei khuapi sung a kumpi innte sim ziahziah uhhi.
·
Syria gaal vanleeng te in Turkey gam te vanleeng
lampi sung kheng in leengvial ahihman in March 23, 2014 ni in kisin nakawm in
kakap khia ziau uhhi ci in Turkey Prime Minister Recep Tayyip Erdogan in genkhia
hi.
Lungdam Nipi ni pha maw
Thang
Khawm Pau Zomi
