Tulaai Leitung Thuthang
Tuamtuam Updates March 19, 2014
·
Kawlgam Yangon khuapi sung akibawl Asean Youth
Forum March 19, 2014 ni in nuamtak in zothei uhhi. Hih Asean Youth Forum ah gam
10 pan khang 200 kihel thei a Kawlgam in innteek aseem ahihi.
·
March kha 24-26 nidong Shan gam Taunggyi khuapi
ah SNLD party te khawmpi khat kibawlding
a, Tuamun ah adiak in 2015 kumciang Kawlgam kiteelnapi ah luut in demding maw
ahihkeh luutloding cih khensatna kinei ding hi
ci in U Khun TUn Oo in March 19, 2014 ni in genkhia hi.
·
EU sum le paai zuakna lam makaaipi Darel De
Gucht kawlgam ah March 19, 2014 ni in
ongtung a hihkhualzin na ah Kawlgam sumzon kipawlna UMFCCI leh kumpi lamtawh
kimukhawm in EU-Myanmar sum zuak sumlei nading thukimna ngahding cih ngimna hi
ci in genkhia hi.
·
Kawlgam Divission Minister 4 te Singapore ending
in March 19, 2014 ni in Singapore khuapi tung uha, Singapore PM pa leh
sumzonsiam mihau tetawh akimuh khopbaan uh-ah Singapore khuasung puahzia ,
khuakzatzia sinding ci in Singapore kumpi lamte in taangkokhia uhhi. March 19,
2014 tunitaak Singapore Foreign Minister pa in Vok khat gawh in ngapik leh
salat annteh toh sak in Zozu khum mahmahtawh nitaak ann neekpihding ci uhhi.
·
Ukraine gam Crimea tuikulh Russia gam hita hi ci
in ataangkokhit zawh nikhat March 19, 2014 ni in Crimea tuikulh a om Ukraine
tui gaalkaap te phualpi khat Crimea Russia gam ah ahelnuam thautawi 200 in sim
in la uhhi. Hih bang a Crimea Ukraine gam pan taikhia in Russia gam ah aluut
peen Leitung Bup thukhun tawh kituak hi ci in Russia President Mr Putin in gen
a, EU,US leh nitumna gam lamte in diksalo uhhi. Tuabek thamlo in Russia te zawl
hoih penpen gam ahi China nangawn in Russia manlo hi cita uhhi.
·
Malaysia gam a March 8 ni a amang Khualzinmi 239
apua Vanleeng pi Boeing 777 MH370
leitung gam 26 pan nasiatak leh ahihtheih zah un zong uha, muzolo uh
ahihman lam et tawpna US-FBI thukante zongsakding in Malaysia kumpi te cialna
kisangta hi ci in White House ten March 19, 2014 ni in taangkokhia uhhi. FBI
ten amuhkei leh bel vankah himailodia acici zong omta hi.
·
Tuma kum 4 laaipan Janpan mawtaw Toyota te Brake
hoihlo ahihman in US kumpi sawlnatawh mawtaw 10 million kisamkik ban ah zum
kitun uha, March 19, 2014 ni in Toyota Company te in 1.2 billion piading in
thukim uhhi.
·
Bangladesh Prime Minister luui ahi Ms Khaleda
Zia leh alawmte pawlkhat golhguuk nesim
hi ci in kumpi thunei te ngawhna tawh ongtung ding April kha 21 nipan Dhaka
khuapi ah kisit tading hi ci in amah ahuh lawyer ten March 19, 2014 ni in
genkhia uhhi.
·
Israel gamgi Golan mualdung to a gaalvil Israel
paltan 4 te bomb in March 18,2014 ni in liamsak ahihman in Israel lei gaalkaap
te in tuamun kiimteng March 19, 2014 ni in azial in zial ngekngek pah uh Syria
gaalkaap khat phualsihpah in 7 liam uhhi.
Lungdam
ei ., Tua zah cipak zal ni nasep hun
leuleu ta …..
Thang
Khawm Pau Zomi