Tulaai Leitung Thuthang
Tuamtuam Updates March 18, 2014
Tedim
khuapi ah GZA khawmpi nuamtak in kizo thei cihthu kiza hi. Minam vaai ah Zomi
chiding thukimna ngah cih in mina ading masuan lianpi seemthei cihthu kiza hi. Ahizong
in party vaai ah party nasephilo, kihelloding ci napi USDP party, NLD cihte pan
mi kisam in ZCD party in discrimination thuak cihthu kiza ahihman in
lunghihmawh huai mahmah kasa hi. GZA sung ah ngalulok pawlkhat naluut hileh
kilawm ta hi. GZA,ZCD,ZYA teng khut khat
tawi khekhat khaaibang a ma ongpan kei uhleh Zomi masuan kilawh cinglo khading
hi.
·
Kawlgam gam Inteekna tawh Asian gamte kipawlna
makaai asepzawh akhatveina Asian gam khangnote khawmpi Yangon khuapi ah March
17 pan nithum sung kibawla, Asian Cinema lahkhopna zong Nypidaw ah March 17
nipan mah in ni thumsung nopcitak in kibawl hi.
·
Libya gam tuipi tung ah Namgimtuipua N Korea
dialkhai akhai akici Tembawpi Libya gam tapong khenkhat in khakhat sung
amatcipna pan March 17,2014 ni in US paltan te in mankik in asawtlo in Libya
gam tuipeu ah puakkik ding hi ci in Pentagon gaalkaap phualpi pan March ‘ ni in
taangkokhia uhhi.
·
Ukraine gam Crimea tuikulh kumpi thuneite in
March 16,2014 ni in Russia tawh kigawm ding leh gawmlohding mipi tung Mee la
uha 97% sang atamzaw in Russia tawh kigawmding deih uh ahihman in March 18,
2014 ni in Crimea thunei te leh Russia President Vladimir Putin te in Russia
gam suahna thukimna Suaikai ta uhhi. HIh thu hang in nitum na gam te leh US te
in diksa hetlo uh ahihman in US te in Russia gammi mihau 20 te neihsa te
kamancip uhhi ciin Innkangpi pan March 17,2014 ni in taangkokhia uhhi. Ukraine
kumpi in zong thuakzonawnlo uh ahihman in Crimea gamlam manawh in paltan
pawlkhat sawlta uhhi.
·
US Presient Obama I angkawineem ahi First Lady
Michelle Obama March 18, 2014 ni pan kaalkhat sung China gam vangaihzin ding in
kuankhia ta a bangteng vakikumding cihthu kitaangko nailo hi.
·
Abeisa kha nih laaipan Thailand gam Bangkok
Khuapi sung ah kumpi deihlo mipite lungphona hang in kumpi te thukhuntawm
akhauh mahmah pawlkhat lungphona anei mipi te daaita ahihman in March 18, 2014
ni in kibeisak ta hi ci in Thailand thunei te in taangkokhia uhhi.
·
USA gam Seattle khuapi gei ah KOMO thuthang te
thukan nih Helicopter tawh aleeng kimlai March 18, 2014 ni in kia in akangtum
uh ahihman in si hi ci in KOMO thuneite in taangkokhia uhhi.
·
Malaysia gamte neihsa March 8 ni a amang
vanleeng pi tudong gam 22 bang in zonghuan in 4 million square kilometer bang
kizong khin himah leh atun abanna kithei
zonailo ahihman in Chinese vanleeng tung a amang te tanau te in thukician
katheinuam uh ci in March 18, 2014 ni in ann ngawl in lungphona deihna ngetna
nei uhhi.
·
Venezuela gam mipi buaina khangseem ahihman in
Canada gamte in Canada gampan khualzin vanleeng leengsaknawnlophot ding in
March 18, 2014 ni in thukimna leh taangkokhiat na khat nei uhhi.
·
Israel gam pang GOLAN Height tawh gamgi dung to
ah gaalvil a apai kawikawi Israel gaalkaap 4 March 18, 2014 ni in mine sukha
ahihman un liam uhhi ci in Israel paltan thunei te in taangkokhia uhhi.
·
Malaysia gam a mang khualzin mipua vaanleeng pi amanna
tawh kisai in Malaysia kumpi thunei lamte in kumpi langpang makaai Anwar
Ibrahim geelna hikhading hi ci in
angawhna tawh kisai in March 18, 2014 ni in Anwar in thalnial pah hi. Kumpi te ngahna ahaang ahihleh hih vanleeng
hawl Captain Zaharie Ahmad Shah peen
Anwar party ah alawp mahmah athahat mahmah amimuan khat ahihi.
·
US president Obama in Palestinian President
Mahmoud Abbas March 17,2014 ni in Innkaangpi sung ah Israel-Palestine kikaal
thu kikumding in kimuhkhoppih a nung mahmah inzong Israel kumpipa tawh
kimukhawm uhhi. Israel in kha 7 sung
Israel-Palestinian kilemnading zawltuah asepna ah ahoihlam ding sang siatektek
zaw ci in thukante in genkhia uhhi.
·
US gammi California state a teeng Nicholas
Teausant kum 20 Washington state pan
Canada luutsim in Syria gam ah gaaldoding in apaisim sawmna pan March 17,2014
ni in US thunei te in man uha terrorisms
activities tawh man uhhi.
Lungdam
zeel ei leh
Thang
Khawm Pau Zomi