Tulaai Leitung Thuthang
Tuamtuam Updates March 15, 2014
·
Malaysia gamte neihsa march 8 ni a amang
vanleeng gam 12 pan tunidong kizongzong himah kimu zolo a, vanleeng tawh
kizoptopna pan vanleeng kileh nai tamkhopkhat aleenkikna radar pan theihna
kiciantak nei uh ahihman in hih venleeng peen asung a tuang mikhat peupeuh in
man in aut nalam ah ahawl hi ci in Malaysia Prime Minister Najib Razak in March
15, 2014 ni in genkhia hi. Ahithei zah in hanciam in kizong laaiding cih genbeh
hi.
·
Ukraine gam Crimea tuikulh aituam ki-ukna nei te
in Russia tawh kipawlding maw hici omding cih mipi mee laakna aneihna ding tawh
kisai thapiaklohding UN Security Council ah March 15, 2014 ni in Mee tangtawh khensatna bawl uha, gam 13
in thukim a, Russia in Veto thuneihna tawh thalnial in China te pau seselo nong
uhhi. US Republican Taangmi John McCain in bel March 15, 2014 ni in Kiev khuapi
pan Ukraine gam Russia te zawhthawhna tawh kisai in US leh EU in gaalkaap tha
zang a bikphei ding in hanthawn hi.
·
Canada gam Ottawa khuapi
a om Russia gam palaaizum naseem Ulian kum 44 apha khat zukham khat in avaakna
pan March 15, 2014 ni in temta tawh kidawt ek in naakliamsim ahihman in zato
kipuak hi ci in Canada gampua kizopna thunei te in pulaakkhia uhhi.
·
Ukraine gam leh Russia gam kikaal abuaina huhau
tawh Ukraine gamlam ahu NATO gaalkaap pawlte I zum website March 15, 2014 ni in
Hacker te in nasiatak in do uha, buaina lianpi piang hi ci in NATO thunei te in
taangkokhia uhhi.
Thang
Khawm Pau Zomi
