Tulaai Leitung Thuthang
Tuamtuam Updates March 13, 2014
·
Tedim Khuapi a kibawlding GZA khawmpi simding in
USA gampan Dr Chin Do Kham innkuanpih te USA gampan Tedim Khuapi kawlgam lam
zuan in leengdiadia ta cihthu kiza hi.
·
914- Zomi tawh kisai in Zomi mipi 85% bang in
hoih kisa ahihman in adeih thei nailo Zomi te toto selo in hicikoih photding
hang a, Igualzawh ciang ongluut kik nading uh mun koihkholhsa in nabawl ding
hihang. Zomi te peen apankhia ngam ki-omlo in vaaikhat peuhpeuh ah gualzawhna
akingahciang hoih mah ee aci vive kihizaw ahihman aseemten hahkat in mangpang
ding hihang. Ih muhtheih ding in Siamsin te bang minam min kicihnop bangbang
hoih sa cih maimai peen mihing vaailo manthanvaai mahmah hi. Ahizong amau
siamsin laai ahihman theihsiam mai ni in ahizong in Zomi,Zogam ongzunzoding
kipawlna hilo, muantaaklo cih mipi ten tel huai khading hi.
·
Britain Parliament nuainung ah March 13, 2014 ni
in kawlgam tawh kisai nasiatak thukikupna khat nei uha, Kawlgam khantoh tawh
kizui in huhna sum $40 million khantoh theihnading in Taangmi pawlkhat in
nasiatak in hanthawn uhhi.
·
Russia gam te in tulian a Ukraine gam a agamtat
daan uhtawh kizui in khiamlo a agamtat teitei uhleh Sumzon paaizon na lam ah
hitaleh gamvaai ah hitaleh Hamsatna lianpi thuakding uhhi ci in Germany Prime
minister Angela Merkel in March 13, 2014 ni
in genkhia hi.
·
Russia gam te in Ukraine tawh gamgi dungteng ah
gaalkaap $8,000 tawh gaaldozia kisatsuahkikna nasiatak neiding in March 13,
2014 ni in kipan ziahziah ta uhhi. Hih gaaldo kisatsuahna ah Vanlam,Tuilam,
Thaupi te kicingtak in zangding in Kumpi thuneite in geel uhhi.
·
US President Obama in Tulian a kaallak kumpi
seempak Ukraine kumpi lamte tawh White House ah March 12,2014 ni in kimukhawm
uha, US ten Ukraine gam $1,000 million tawh ahuhvaaiding akikup baan uh ah
Ukraine gam leh minamte US huuhi cih lahna hi ci in Innkangpi tanute in genkhia
uhhi.
·
Venezuela gam ah mipi lungphona nikhat khit
nikhat nasia seemseem ahihman in March 13, 2014 ni in Valencia khuapi sung
ah palikte leh mipi kikaal buaina piang
a mi 3 in sihlawh uhhi. Sawtsawt leh Ukraine ongbangding in lam et huai ta
·
Nigeria gam Katsina state khuata sungkhat ah
March 13, 2014 ni in migipawlkhat apawlmin kitheilo te in mi amuh peuhpeuh uh
thatpahpah uh ahihman in mi 69 bang athah khit uhciang palik te tungpan in
mithat te manzo tuanlo uh ci hi.
·
March 8,2014 ni
a amang Malaysia vaanleeng tawh kisai in South China Sea sung ah
athemkhat China ten mu ung ci in ataangkona tawh kisai in Malaysia kumpi thunei
te in Vanleeng mangpeen hikei ci in March 13, 2014 ni in genkhia uhhi. Leitung
gam 12 pan kizong ngekngek himah leh kimunailo suakphot hi.
·
Palestinian paltan lak ah pawlkhat ahi Islamic jihad
gaalkaapte in Israel gam khang lam Rocket tang 30 tawh akaap lungdamkohna in Israel paltan te in March 12,2014 nipan
Gaza gunpang toteng phamawhsak nei hetlo in Vanlamtawh banzial to ziahzaih
uhhi. Islaminc Jihad lampan bel March 13, 2014 ni in Rocket tang 2 bek lotsuk
kizo uhhi.
Thang
Khawm Pau Zomi