Tulaai Leitung Thuthang
Tuamtuam Updates March 12, 2014
·
Shan gaalkaap SSPP/SSA te leh kawlgam gaalkaap
te March 11, 2014 ni in Shan gaalkaap te phualpi gei ah nai 4 sung nasiatak in
kikaap uha, asi aliam bangmah thu kiza taktak naailo hi. Kilemna kivaaihawm
laaitak ahihman in hoih lualo ahihi.
·
USA gam New York Khuapi sung ah March 12, 2014
zingsang lam in Innkhat sungpan Gas keh in puakkham ahihman in Nupi nih si a,
adang mi 20 liam uhhi. Meiphelh mimal 250 bang in nasia tak buaipihziahziah hi.
·
Malaysia Vanleeng March 8,2014 ni a mangpeen
leitung gam 12 pan kizong ziahziah himah leh kimuzo naailo ahihman in Malaysia
thunei te in March 12, 2014 ni in India kumpi tekiang ongzonpih un ci in cialna
nei uhhi. kazak ngeikhat EU gam ah Laktohding ginna tawh thu um khat leh a umlo
khatta vanleeng hawlsak kici in a Vanleeng bup in laaktohna ngah uhhiam cihnop
huai mahmah hi.
·
Ukraine gam Crimea tuikulh tung ah Russia
gaalkaapte amanlaang alakhia a, kidawm
mahmahding in G8 lakpan G7 teng in March 12, 2014 ni in Russia ta Vua in thupia
uhhi.
·
Gaza gunpang to a kibusa Palestinian gaalkaap te
in March 12, 2014 ni in Israel gam tawlam teng Thaupi tang 30 kiimtawh kaap
uha, Tang 8 khawng mipi lak tu in adangteng Siklompi Israel daal te in
beengkhia hi ci in Israel gaalkaap maang ten gen uhhi. Asi aliam peen genlo himah leh anung
ah koicihding cih ngaklah huai mahmah
hi.
Lungdam
Thang
Khawm Pau Zomi