Tulaai Leitung Thuthang Tuamtuam Updates Feb 5,2014
·
Kachin minam thautawi KIO te in kumpi a do zawh
uh kum 53 acinnaw pawi Kachin gam I khuapi Mitkyina leh KIO phualpi Laiza
khuapi te ah nopci tak in Feb 5,2-14 ni in bawl uhhi. KIO peen 1961 Feb 5 ni a Shan
gam saklam munkhat pan kipankhia ahihi.
·
Ongtungding Feb 8,2014 niciang NLD party sung ah
cidamna lam thunei pawl in Fund
zonnading in Show khat bawlding uha, sum kingahzahzah Khuatuamtuam azin uhciang
mawtaw tung akoihding ki-at na tawh kisai vankisam teng leiding ci in NLD te in
genkhia uhhi.
·
Kawlgam sung a thuthang khat ahi Unity laaihawm
te in JAN 25,2014 ni in Kawlgam gaalvan bawlna khat athuthang uh a asuahsakna
hang in Jan 31 ni in thukan 1 man uha , Feb 1,2014 ni in thukan adang thum leh
Editor pipa mankik uhhi. Feb 5,2014 ni in khat matbeh leuleu uhhi.Hih thu hang
in kawlgam sung thuthang kipawlna hita leh leitung thuthang kipawlna tuamtuam
te in Kawlgakumpi mawhsak mahmah ban ah Human Rights Watch HRW te in kawlkumpi
thu thudotna bawl uhhi.
·
Kawlgam
sung a Palaaipi sum anei Europe gamtuamtuam te in Kawlgam a om Palaaipi zumpan
makaai te ni 4 sung Rakhaing gam zinkhia In gamthu, minam thu, biakna thu,
nutaakkhuasakzia kanding in kawlgamkumpi tung ah Feb 5,2014 ni in ngetna bawl
uhhi.
·
Argentina gam I khuapi Buenos Aires khuapi sung
a van kikholna phualpi khat Feb 5,2014 ni in nasia tak in meikang a, kumpi
naseem meiphelh gaalkaap 7 leh adang naseem nih te meiphelhna hang in si uh a pawlkhat liam uhhi.
·
Leitung a gaalhiam tawh kisai aencik pawl in Feb
5,2014 ni in 2013 kum aiding encianna nei uha, Leitung ah kumdang sang in
gaalvan 5% kikhan a, USA leh China akhatna ah om in Russia anih na leh Britain
athumna ah om ci in pulaak khia uhhi.
·
1950-1953 Korean War sung a sak leh khang a kikhen thaangmang Innkuan
te kigawmkik saktheihnading in South Korea leh N Korea te in Feb 5,2014 ni in
langnih thukimna ngahta uha, February
kha sung mah in piangsakding in thukimna nei uhhi.
·
Iraq gam ikhuapi Bagdhad khuapi sung ah Feb 5,2014 ni in mawtaw nih
bomb tawh thakhat thu in puakkham ahihman in mi 33 si in 100 vaal liam hi. January
kha sung bekbek in mi 1,000 vaal sihi ci in Iraq kumpi te in ciamteh u hhi.
Khialhna aom leh ngaihdam bawm ah maw
Thang
Khawm Pau Zomi
