Wednesday, February 5, 2014

Tulaai Leitung Thuthang Tuamtuam Updates Feb 4,2014


Tulaai Leitung Thuthang Tuamtuam Updates Feb 4,2014



·      2014 Kawlgam bup mikisimna Census ciang in Code Number -914 ah Zomi kheempeuh in Zomi ci in kigawlkhawm leeng cih Zomi makaaite kipsakna anawng kaaisak nuam leh Zomi adeihlo mipawlkhat vaai hawmna tawh Sihzang thutuamtuam thusuah tungtawn in Pu Zozam Laaitawh Interview na bawl uha, 914 ah Zomi gelh leeng Rohingya tetawh status kibang in NRC akang ongkitawi sakding ci a adawnna online ah ongkisuaksak ban ah, Zovontawi leh Sing Khaw Mang cihkhat  in miteng laai khak kawikawi hi.  Hih thutawh kisai in Pu Zozam interview akibawl takpi ahihleh PU ZoZam in Zuau gen cih kilang ahihman in MP ding in teeltaaklo cih mipiten theih huai hi.
o   Tua ban ah Yangon khuapi Yuzanah a 2010 kum meekuang luui Zomi sung ah khattang female politician Pi Kam Khan Dim ( Siyin ) in Zomi tawh ikipawl kei leh iguaksuak mangding hi naci hi. Hithu tawh kisai in kiheem leh upmawh thu akigen ahilo Kawlgam bup Immigration Vuanzi pa gencianna hiah bildim tak in na ngai un.
Zomi sung ah Politician lulu Religion lulu pawlkhat in hih Kawlgam Census vaaiding peen thupi masalo thupi lualo hi ci in gen uhhi. Ataktak in eitawh kinaai peen Kawlte enleeng politics akipat theihnading in Minam nabawl uhhi. Ei Kawlmi teng kipawlna cih nakipan masa uha, Kawlmi ( Buma ) cih minam nanei masa uhhi. Tuakhit ciang mikaangkumpi, Japan cihbang in gaalsim in Politics nakipan pan uhhi. Zomi tezong ong ukkumpi te hoihlohna hang in tunidong imin taktak tawh kilo khalo ihi a, Kawlte leh Mikang te ongpiak Bawm,Khaguh cih min apuapua laai ihihi. 

            Hih kawlte, mikaangte ongpiak mawkmawk min ahilo imin mantaktak zomi gelhtheihnading hunhoih kumpi ten tun onghonsak taktak ta ahihman in Zomi cih iminam maan taktak tutung in akisapsak akilam panding ihi a Tuakhit ciang tua kamdimdim khawng a ipau ahi Politics acihte Zomi mintawh taangzai tak in akisemzom theipan ding ahihi. Tuama siah Zomi min pua politics asepna te peen amaleep ihihi.


·      Bolivia gam sung ah Khakhat bek avaal pan 2014 kumsung bekbek in guatam in tuikhanna hang in mi 29 si khin a, innkuan 35,000 in cimawh lawhmawh tuak uhhi ci in Bolivia kumpi te in Feb4,2014 ni in thusuahna bawl uhhi.

·      Central African Republic gamsung Boda khuasung ah Christian te leh Muslim te kikaal buaina Feb 4,2014 ni in piang a mi 75 si hi ci in Father Cassein Kamatari  in genkhia hi. Tuaban ah hihmun acingding in Piantit gaalkaap 4,000 bek om a micingding kicinglo ahihman in buaina avending hamsa hi ci in genbeh hi.

·      Pakistan gam kumpi te leh Pakistan gam a kibusa Taliban migilo pawl langnih kilemnading kihoding Taliban lampan heelzeel himah leh Pakistan kumpi te in ani khaantoto uh ahihman in Taliban te in Feb 4,2014 ni in Pakisatan kumpi te kona laai hawmkhia ziahziah uhhi.

·      Thailand gam sung ah PM deihloh nahaang in mipi te in lungphona nasiatak nei uh ahihman in kumpi seem Pheu Thai party te in Feb 2,2014 ni in gambup kiteelnapi na bawl uha, kumpi langpang Democratic party  te in nawngkaaisak uh ahihman in mee piading vekpi I 45% me piathei a uha, Pheu Thai party te in alemnana mun ah mee khianaailo teng akhiattheih nading in geelsak in vaaihawm uh ahihman in Democratic party te in Thailand gam thukhen zum saangpeen ah thubawl ta uhhi.

·      Ukraine gam  saklam Sumy Region Vyry khuasung ah Khualzin meileeng khat in Kumpi naseemte apua Khuasung taai Mini Bus khat Feb 4,2014 ni in phukha a mi 12 thakhat in sipah in mi 5 nasiatak in liam uhhi. Hihthu piang hang in President Viktor Yanukovych in lungleenna thu pulaakkhia hi.

·      Hunkhat laai a Kawlgam kumpi agaal hawksansan agaal koko Human Rights Watch HRW te kawlgam sung tung ngawngaw uha, Feb 4,2014 ni in 8888 makaaite Kawlgam sung Human Rights lam naseemte tawh kimu khawm uhhi.

·      Israel gam leh Palestine kilem theihnading in Israel gam lam ah kisapna tampi om hi ci in US Secretary of State Mr John Kerry  Feb 3,2014 ni in genkhi ahihman in Israel kumpi te hehmahmah uha, Hih Israel leh Palestine gam kilem nading in  US ahizong Leitung bup ahizong in ko Israel te bekbek mawhsak leh tawsawn theih hilo hi ung. Hih bang in ko bekbek ongkitawsawn ciang Palestine tea man kisa uh a kilemnading gamlasakzaw hi ci in agenbaan uh ah Feb 4,2014 ni n Leitung ah kuamah ongtampau kei un kuamah ka awlmawh kei uhhi ci in taanhko khia uhhi.



Khialhna te ngaihdam bawm ah maw

Thang Khawm Pau Zomi