Tulaai Leitung Thuthang
Tuamtuam Updates Feb 19,2014
Obama Care icihcih
Hih
Obama Care vaaitawh kisai in dotna tampian ahihman in dawnna kawm in ani zong
naaita ahihman atawpna kongpulaak khialaai ding hi.
Obama
Care kici kumpi thukhun thak tawh kizui in mikheempeuh in Insurance /Medicaid neikim
hamtang ding a aneilo te mikhat $65 ta kumkhat ai kigaamding cih ahihi.
Hih
Insurance tawh kisai in Naseem te in a nasepna ah leithei uha, Nasepna ah
aleilo, gentehna in ama ading lei in azi ading aleilo te ading in www.healthcare.gov ah kisiau thei hi.
Nang
leh nang a online ah nasiauh theihkei a leh na khuasung a Food Stamp/Medicaid
zum a na case worker te kiang ah kisiau sak thei hi. Hih Obama Care I
siauhtakciang in sum tawh leipahpah ding cihthu omlo a nang I sumluut tawh
ongki en ding hi.
State
khat le khat kibanglo a ahizong in ataangpi in Entry Level Job kici nasep
nautaang naitha $15 nuai angah Innkuanpih nei khatbek naseemte in sumtawh
leikuul lo a Nang peen Qualify for Free coverage na hihi.
Tua
bang in QFC nahih takciang na state pan Medicaid ongpiading uh hizaw laai
ahihman in lau nading patauh nading ompeuh mahlo hi. Sum luut tam te ahihleh
bel leikuul a nasepna a insurance te sang Obama care tamman zaw hi.
March
31 niciang bek kisiau thei laai ahihman in nawhtak na khuasung Annsaal (food
stamp) zum ah napai in nala in. Liau sum peen atamhilo a ahizong in kumpi
thukhun nial nahihman in na taangthu hoihlo hi.
·
Kachin gam Phakant Township, Wikha Matitkong
kiang ah Suangzong a paikawikawi mi 8 in Feb 4,2014 ni in Suan Eng tons 35 leitung ah adawlbek mukhia uh ahihman in
Gaalkaap athuang athuang in kipuak ziahziah hi ci in Kachin State kumpi te in
Feb 19,2014 ni in genkhia uhhi.
·
Kachin
gam a Kawl gaalkaap leh Kachin gaalkaap te kikaapna hang in micimawh kachin
mipi te huhna ding in Sum Dollar Awn 800 vaal man vantuamtuam te China gam
micimawh huhpawl in piakhia ding hi ci in Yangon China palaizumpi te in Feb
19,2014 ni in taangkokhia uhhi.
·
Kawlgam ai-awh UN Mihing ngahding kilawm
hamphatna veeng palaai Tomas Ojae Quintana atawpna peen kawlgam khualzin na Feb
19,2014 ni in hialbawl a Yangon vanleeng tual ah aciahmadeuh in thupulaakna nei
hi. Tua sung ah adiak in Kachin leh Rakhaing gam thu naakgen mahmah hi.
·
Yangon khuapi daainawl Tanu meelhoih khua ateeng
Karen minam inn 500 kawlgaalkaap te in a inn teng saatsiatsak mang in hawlmang
ahihman in akiim naai a om Lutol biak inn te ah bu in hamsatna thuak uh ahihman
in DKBA gaalkaap mang Saw San Aung alading in vapai hi. Ahizong in kumpi lamte
in mun vaaihawm sakding in mipi lam en uha ongzui ngamtak lo uhhi. Ko DKBA te
in hih Karen minam te om nading leh neekzon nading vaaihawm sakding a akipan hi
ung ci in Feb 19,2014 ni in genkhia hi.
·
Kawlgam sung March kha bei pan April kha kim
dong kibawl ding milo kisimna ah Mualtung mi te kikaal asiandong sim naailoh
photding in CNF te in kumpi tung ngetna Feb 19,2014 ni in nei uha, Tua laai
sung ah Chin state ah minam 53 acih zong
kasang zokei uh Chin cihciang Chin khat bek ahihi cidep uhhi.
·
Ukraine gam sung mipi te leh palik te buaina
nasia semsem a Feb 19,2914 ni in mipi leh palik kigawm misi 30 phata ahihman in
hihthu bangci bang in khending cihthu EU makaai te in Feb 19,2014 ni in thukin
khawmpi (Emergency meeting) khat neikhawm uhhi. HIh buaina tawh kisai in
President Viktor Yanukovych in Gaalkaap maang Col Gen Volodymyr Zamana kiang ah laaipia
ahihman in mipi kilung himawh mahmah hi. Hih gam buaina peen kha 3
acingta ahihi.
·
Thailand gam lungphona neite leh palik tekikaal
buaina liansem sem himah leh lungphona nei mipite tuapsawmlo uh ahihman in
lungzin huai mahmah hi. HIh buaina sung ah lungphona anei mipite tung
hiamgamtat loding in Thailand gam thukhen zumpi te in Feb 19,2014 ni in thupia
uhhi.
·
Australia gammi Pasian naseem John Short kum 75
Christian laaibu te Korea kamtawh let in pua ahihman in N Korea gam Pyongyang
khua ah kiman hi ci in azi in Feb 19,2014 ni in genkhia hi. Apoi na ah
Australia te in N Korea gam ah palaai zum neilo uhhi.
·
Lebanon gam khuapi Beirut khualaaizang aom
Iranian Cultural Center mun ah Feb 19,2014 ni
in amah le amah kisisak migilo nih
in mawtaw leh sikel te zang in bomb puakkhamsak uh ahihman in mi 4 sihkhat in
si a adangtampi tak liam uhhi.
Khialna
aom khaak aleh ngaihdam bawm ah maw
Thang
Khawm Pau Zomi