Tulaai Leitung Thuthang
Tuamtuam Updates Feb 13,2014
Tulaai tak in Kawlgam Census
tawh kisai in kumpi lampan hitaleh Media lampan hita leh thutuamtuam ging in
Zomi te lunghihmawh theihnading thutuamtuam ging hi. Tua thuthang te lak ah
khat in Kawlgam Matpongtin tung ah minam leh biakna kituang saknawnlo ding cih
ahihi. Hihtawh kisai in nidang a biakna leh minam min atuansak uh peen
kiselphona, kideidanna hia, asuah saklohding uhpeen gamkhangto daan leh
Democracy daan hizaw ahihi.
Kua mahmah lunghih mawh lo tak
a 2014 Cesus ciang 914-Zomi agelh ciatding in konghanthawn nuam hi. Miten bang
thu bangthu avaaihawm a thutuamtuam apiang zong in Nidang laai in Tedim cih
haat mahmah ngei a, Tuni dong Chin state eilampang miteng Chin state hitaleh
Kawlgam kumpi te in Tedim ci in ongciamteh lel hi. Tunzong Zomi cikim in
haatmahmah peuh leeng ivek in Zomi mah in ongciamteh toto ding uh hilel hi.
Kuakua pau zong in Zomi peen
mangngeilo ding a , guallel ngeilo ding hi. Ahang in Zomi minpua ZCD, ZYA, ZBCM
cihte kawlkumpi in phalna ongpiak kiptak a ading kumpi ciaptehna angah kipawlna
te inei hi. Tuaban ah akisap hunhun a zatding in ZRA, ZIA thautawi kiptak inei
hi. Leitung bup Level pan I et leuleu ciang Zomi Communities International inei
a, UN dong ah pawlluut zo hi. Tuabek hilo in ZORO,ZRO,ZOCIA,Zomi Innkuan USA
,Inc, WZC,ZA ,GZA, ZAM ,agamgam a Zomi Innkuan te leh Zomi Council cihte leitung theihpih in
kiptak in inei zo hi.
Tuatua ahihman in Kawl Mang
ongkhangkik in , Dawi Mangpa ongkhang kik zong in Zomi peen haat tektek kip
tektek ding a, manawt in gualzo tawntung ding hi.
Mangngilh ken maw na tanau te
nagen ding 914-Zomi
·
Kawlgam suahtaakna ngenkhia pan Bu Yoke Aung San
phawkna Video bawlkhia ding in Director Min Thin Ko Ko Kyi atanu Daw Aung San
Suu Kyi in thuneina pia hi ci in hivaai geelpawil in Feb 13,2014 ni in
taangkokhia uhhi. Hih Bu Yoke Aung San Cenema peen $20,00,000 beiding hi ci
uhhi. Bu Yoke Aung San kum 100 cinni Feb13,2015 ma in zoding in geelna nei
uhhi.
·
Ongtung ding March 30 nipan April 20 sung
Kawlgam a kibawlding milip kisimna ding tawh kisai in Kawlgam I hanciam gambup
kilemna tawh kisai in buaina piangsak tektek ding ban ah naakpi tak in nam khat le khat kikaal,
biakna khat le khat kikaal buaina lianpi piangkha theidng a hihman khaanhuai
leh etphat huai masa hi ci in Leitung Buaina encik pawl ICG te in Feb 12,2014
ni in laaisuah bawl uhhi.
·
UN Mihing ngahding kilawm hamphatna veeng Palaai
pi Mr Tomas Ojae Quintana kawlgam ading anunung peen khualzinna kipanta a Feb
13,2014 ni in kawlgam ongtungkik ta hi. Tuni mah in 8888 makaai te leh Kawlgam
mihing ngahding hamphatna veengpawl tawh kimu khawm uha, Zing Feb 14,2014 ni
ciang in Rakhiang state sung a buaina apianna munte ah vapaiding hi.
·
India Parliament ah India gam sung Andhra
Pradesh state sung a om Telangana kuam amah le amah ki-uk theihna piaknading in
feb 13,2014 ni in nasiatak in kikum uha, Mee tangtawh khensatding in kithukim
uhhi. Mee akhiat madeuh in Andhra
Pradesh State Hlutdaw lah ahi mihau lah ahi L Rajagopal in zasanvui tawh kibawl mitsipsak zatui tawh
alawmteng baankaap ahihman in pawlkhat zato tung in thukikupna dinkhawl
uhhi. Mr Rahagopal agenkikna ah kei le
kei kidaalna a kazat hi ciziau hi.
·
USA gamsung a akilim zat mahmah Internet company
khat ahi Time Warner Cable company
Comcast Company te in $45billion tawh leiding in thukimna Feb 13,2014 ni
in neikhin ta uhhi. Asawtlo in Time Warner Cable –Comcast ah ongkilaih leuleu
ding hi.
·
UK gamsung teng ah Feb 12,2014 ni in nasiatak
huihpi nung a Inn le lo mun tampi tak asiat ban ah mitampi tak cimawh uhhi. Tua
kawmkaal ah Feb 14,2014 niciang nasiatak in guahpi zu in huihtawh kithuahding
ahihman mipi kidawm un ci in thuneite in Feb 13,2014 ni in thupia leuleu uhhi.
·
USA gam sung Georgia sate sung ah tuikhal leh
huihpi nasiatak in Feb 13,2014 niciang nung/kia ding ci in khuahun siamte in
Feb 12,2014 ni in puangkhia uhhi. HIhthu tawh kisai in vansia teng bawlnading
leh lampi hahnading in akisap leh Central kumpi budget zatding in President
Obama in Feb 12,2014 ni n phalna pia hi. Tuabek tham lo in state 22 sung ah
khuahun sia mahmah ding in khuahun siamte in taangkokhia uhhi.
·
Somalia gam I khuapi Mogadishu khuapi sung aom
Internationa Airport konggei ah Feb 13,2014 ni in Bomb puakkham a, mi 6 sipah
in pawlkhat zato kipuak hi. Mittawh akiang pan amute genna ah Refugee lompi te
asuam uhhi ci in genkhia hi.
·
Italy Prime Minister Enrico Letta in Prime
Minister naseppan kakhawlding a kakhawl theihnading ngetna laai feb 13,2014 ni
in kaphah khinta hi ci in taangkokhia hi. Khawlsawmna ahaang ahihleh party sung
kalsuan zia kilaih hang hi ci in genkhia hi.
·
Egypt gam gaalkaap maangpi Abdul Fattah Al-SiSi
leh Rusia gam I President Vladimir Putin te Russia gam Moscow khuapi ah Gaalvan
$2billion man vaai kiho khawm uhhi. Russia President Putin in Mr Al Si Si peen
Egypt gam I President thakding in ki lawm mahmah the acih leh Mr Si Si nui
nenua hi.
·
Kawlgam sung Namkee thautawi ahi “o” minam
thautawi pawl UWSA te in China gam ah gaalvanleeng hawl kisinding in gaalkaap
30 teelkhia uh a asawtlo in paisakding hi ci in Karenni gaalkaap makaai khat in
Feb13,2014 ni in genkhi ahi. Tuaban ah hih UWSA te in Gaalvaanleeng nih nei
uha, anai agamla kaapna thauneu thaulian bawlna Setzung pi khat zong nei uhhi
ci in genbeh hi.
·
Kawlgam Pagu Division sung Taungngo khuapi sung a om Myoma vanzuakna Feb
13,2014 nitaak nai 6 pan kipan meeikaang a tuciangciang 75% kaangtumta in
kiphelh zonaailo ci in khuasung aomte in gen uhhi. Asi aliam bangmah kithei
naailo in inn leh sai tamsimsim kaangtum cih thu kiza hi.
·
Thailand gam tulian kumpi seem Pheu Thai party
te in Feb2,2104 ni a gambup kiteelna abawlna thu gambup thukhun tawh kituaklo
ci in alangpang Democratic party te in Thailand gam thukhun thukhenzumpi ah
akohna uh saantaak mumal omlo in thukhenzum te in Feb 12,2014 ni in nawlkhin
sak uhhi. Pheu Thai part te in Feb 2,2014 ni
a kibawl kiteelna ah alangpang te bawlsiatna hang in mun khenkhat
kiteelna bawl theilo uh a April kha sung
ah bawlding in khensat uhhi. Tua ahihman in Feb 2,2014 ni a kibawl Thailand
kiteelna akipsual a , Pheu Thai Party mah in gualzawhna ngahding cih 98% kician
zaw ta hi.
Khialna
aomkhaak aleh ngaihdam bawm ah maw
Thang
Khawm Pau Zomi
+12702179593