Tulaai Leitung Thuthang
Tuamtuam Updates Feb 12,2014
·
Kawlgam Union Day Feb 12,2014 ni in Kachin gam Bamaw huam Ja-en-yan khuano
kiang ah KIO gaalkaap tatmaha 18 te leh Kawlgam gaalkaap te nasia tak in
kizingkap uh a, KIO te phualpi khat Kawlgam gaalkaap te in buluahsak uhhi.
·
Thailand gam ah Feb 2,2014 ni a kibawl gambup
kiteelna kumpi langpangte in abuaisak nahang in mee pia theilo pawlkhat om a
tuate ading in meepiak hun April khabei ah kisotto hi ci in Thailand kumpi lam
thuneite in Feb 12,2014 ni in taangkokhia uhhi.
·
USA gam kateenna Bowling Green khuapi sung aom
USA gam ah mihaute tuan Corvette mawtaw neute kilahna Museum innpi sung ah Feb 12,2014 zinglam in
Sinkhole kici lei kamka in mawtaw honkhat valh a mihing kihel losam hi.
·
US gaalkaap te in akapding peen akhalian ding
amuilim mahmah Smart-Rifle kici gaalkaap thau hoihmahmah khat abawlkhiat uh Feb
12,2014 ni in sinna nei uha, adeih banglian un hoih mahmah ahihman in khamul te
bennading lemtaang mahmah ding hi ci in genkhia uhhi.
·
China gam te bawlsa Jade Rabbit Rover kici
Vankah na setneu December kha 15,2014 ni a Khapi tung ah angaih hawh hia ,
Khapi maaitang tung ah Bangnatna neihiam kitheilo in ongnusia hi ci in Feb
12,2014 ni in China state media te ah taangkokhia uhhi.
·
Korea gam sak leh khang pan Ulian palaaite kihona 2007 kumpan athupi peen leh amasapeen
Feb 12,2014 Panmunjom khua ah neithei uha, Korea gaal hang a kikhen thang mipi
te vaai kikum phadiak uhhi. Tu kha sung mah a US leh S Korea te gaaldokhop
kisin ding ahihman in tua ma a meeting aneisamsam uh ci in kigen hi.
**
Kentucky State ahilo State dang pan ka phone ongsamte in hehpihna tawh amai ah
1 meek masa in tuakhit ciang ka number meek in ongsam pan un. Hiah 1270-217
9593 *****
Laai
Mal khial kha aom leh ngaih dambawm ah maw
Thang
Khawm Pau Zomi
