Tulaai Leitung Thuthang
Tuamtuam Updates Jan 28,2014
·
Zomi Census 2014 Kawlgam ah akibawl ma in Bowling Green khua
Kentucky state ah Feb 22,2014 niciang nasiatak in kibawl masa ding hi. Zomi
namni nopcitak in hih Feb 22 ni in kibawlding a , Chin deih teng leh Zomi deih
teng Building khat sung inndei tuamtuak ah kikhen sitset in kibawl dinghi. Hih
nipan kipan in Zomi acilo teng Zopau tawh kihopih nawnlo ding a, Nopna dahna
vaai kheempeuh ah kihuh, ki uap cihte omnawn kilkel loding hi. Zomi census
kibawlna lam ah Rev Pau Khai in Speaker
seem ding a Nashvile khuapi leh Louisville khuapi pan Zomi kheempeuh in ong uap
zihziah ding uhhi. Muan tuamtuam a om Zomi ten Cesus bawl ciat ni
·
Kawlgam sung a Mualtungmi namkee thautawi
kheempeuh buaina teng kikum siang a, Kawlkumpi tawh gamvaai kikupna taktak aom
mateng Mualtungmi namkee thautawi te kimuh khopna ah kakah keiding uhhi ci in
“o” minam gaalkaap UWSA te in Jan 28,2014 ni in taangkokhia uhhi. Tualaai tak a
Mualtungmi thautawi te kimuh khopna te ah “o” te kah lo uhhi. 2008 kawlgam
thukhun sung ah amau le amau ki-uk na angah uh hi a, Tulaaitak gaalkaap 70,000
kiim nei in State tuamkhat angen uh ahihi.
·
Kawlgam sung puahnading Janpan gamte sum Dollar
Awn 600 leitawi ding President U Thein Sein leh Japan PM Shinzo Abe te athukim khitciang Jan 28,2014 ni in Pituh
Hlutdaw ah thukimna nei uhhi. Hih Dollar
Awn 600 peen kum 40 sung a lohkikding hi a ameet 0.01 bekding cih uhhi.
·
Britain Vuazi khat ahi Hugo Swire anih veina
kawlgam jan 27,2014 ni in ontung a, Kawlgaalkaap maang Min Aung Hlaing,
Vuanzite leh Daw Aung San Suu Kyi te tawh kawlgam vaai, Rakhaing state buaina
te kikum khawm uhhi.
·
Thailand gam te in gambup kiteelpi na ongtung
ding Feb 1,2014 niciang kikhawl nawnlo
in kibawlding hi ci in Deputy Prime Minister Pongthep Thepkancana in Jan 28
,2014 ni in genkhia hi.
·
India gam Maharashtra state Pune khuapi pan
Gujarat state Ahmedabad khuapi zuna a
khualzin Bus pi khat High way tung ah Jan 28,2014 ni in mawtaw pi khat tawh
kiphukha a kaang ahihman in mi 8 si in mi 11 zato nawhtak in kipuak hi.
·
Palestine kumpi te in nupa asuakzolo kiteengnuam
mite huhna in kinteenna pawipi West Bank khuapi ahi Jericho
khuapi ah nupa kop 218 , Gaza khuapi ah Kop 80 Jan 28,2014 nikhat thu in bawlsaka, Sum $ 1.5
million zangkhia in nupa kopkhat $ 4,000 ta acitpiak ban uh-ah Jericho khuapi
mopawi ah Palestinian President Mahmoud Abbas vakihel hi.
·
Colombia gam Barranquilla khuapi sung a mi 200
vaal akikhumna thong innpi khat Jan 28,2014 ni in meikaang a, mi 10 asisa in kimu in 40 vaalte anaai peen zato
ah meikatna bawlding in kipuak hi.
·
Brazil gam Rio De Janeiro khuapi sung aom High
Way lampi kaanna tausaang lei khat atung ah mi nih apailaaitak Jan 28,2014 ni in Lorry pi khat in abulpan
phulpaai ahihman in kicim a mawtaw tam mahmah laaitak tawh kituak ahihman
kiphul khazihziah uha mi 4 si in 4 zato
ah kipuak hi.
·
Syria gam sung a micimawh gaaltaai mi te
pawlkhat tawmveisung UK gamte in la in keemding a, Naupang, numei bawlsiatna
athuakte , Uham te leh cidamlo te lamasading hi ci in UK deputy Prime minister Nick Clegg in Jan 28,2014 ni in taangkokhia hi.
Khialna
aom akhaak aleh ngaihdam bawm ah maw
Thang
Khawm Pau Zomi
