Tulaai Leitung Thuthang
Tuamtuam Updates Jan 26,2014
· Zomi te sung Imuan mahmah makaai khat ahi Rev Pau Khan
Khai Louisville ah PhD asin ding
hinapin Zomi Zogam ading nasep ding omlaai ahihman in saangkah naailo in
khuanla in Feb 25 niciang Kawlgam ciahkik in March 24 USA gam ongtung kikding
hi ci in Jan 25,2014 genkhia hi.
· Daw Aung San Suu Kyi kamciamna tawh kizui in February khasung in
Khalkha khuapi ah NLD te in amawkna cina etnading zato neu khat hongtading hi
ci in Khalkha NLD te in Jan 26,2014 ni
in taangkokhia uhhi.
· Kawlgamsung namkee Palawng minamsuahtaak nading
gaalkaap PSLF/TNLA gaalkaap te leh Kawl gaalkaap te Jan 25,2014 ni
zingsang lam in Shan gam saklam ah nasiatak in kikaap uha, Kawl gaalkaap
Maaidawl makaaipi khat leh nautang 4 si uhhi.
· Kawlgam I Meitha hat a ahoih semsem nading leh Cidam nalamsang tawh kisai
akhantoh theihnading in Leitungbup Sumkhawlna te in US sum Dollar Awn 2,000
huhding hi ci in Leitungbup sumna na makaai Jim Yong Kim in Jan 26,2014 ni in
Yangon Khuapi ah taangko hi.
· China gam ah Kawlgam Democracy makaaipi leh NLD
makaaipi Daw Aung San Suu Kyi angaihhawhding in thupi tak in China kumpi te in
khoding hi ci in The South China Morning Post Jan 26,2014 ni in gelh khia hi.
· Mon mina sung a om ahi Mon political party nihte
kigawm khawm in aphutkhiat uh ahi Mon National Party February khasung in kumpi
tung ah kipsakna phalna laai ngentading hi ci in makaai U Aung Naing Balah in
Jan 26,2014 ni in genkhia hi.
· India gam te neihsa Andaman tuipi tung ah Lungnop khualzin
a vaakkawn mite apua Tembaw khat Jan
26,2014 ni in kibung a mi 21 si in adangteng kihonkhia zo hi ci in India kumpi
te in taangkokhia uhhi.
· England gam leh Scotland gam nihte sung atamzaw munte
ah nasia tak in khuahun votding a, Vuukkia in Tuikhang ding ahihmna mipi te
kidawm pha mahmah ding in Thunei te in Jan 26,2014 ni in theihsakna nei uhhi.
· Tunisia gamte
in gambup ki-uk nading thukhunpi ( constitution ) thak liklek khat Jan 26,2014
ni in Parliament 216 lakpan 200 thukimna tawh kipsakna nei taktak ta uhhi.
· Somalia gam Barawe khuapi kuama kibusa Al-Qaeda
tawhkizom Al-Shabab makaaipi te muitum
ding in ngimkiukeu sa in Thaupi tetawh kingim dimdem saan hi ci in US Defense Official te in Jan 26,2014 ni in
taangkokhia uhhi.
· Tulaaitak a Egypt gam a uk pak tawmvei kumpi seem pawl
in asawtlo in Egypt gamsung Democracy tawh kituak in kumpi seemding te kiteelpi
na kibawl tading hi ci in Jan 26,2014 ni in taangkokhia ta uhhi.
Khialhna aomkhaak leh ngaihdam bawm ah maw
Thang Khawm Pau Zomi
