Tulaai Leitung Thuthang
Tuamtuam Updates Jan 24, 2014
· KNU huangsung a thukikum Mualtungmi thautawi kipawlna
te khawmpi Jan 24,2014 ni in zosiang ta uha, Ongtungding February kha ciang
Ba-An khuapi ah kawlkumpi tetawh kikumkikding in khensat uhhi. Ba-An a langnih
kikup ciang Daw Aung San Suu Kyi leh U Khun Tun Oo te sapding in khensatna nei
uhhi.
· Kachin gam huam NDF party makaaipi Daw Bauh Cia misihna thu, leh adang thu3 tawh tawlpi khat
kawlmaangten thongsung ah akhumkhit ciang Jan 24,2014 ni in cidam in ongsuakta
kik ta hi.
· January kha kipat lam a Rakhaing state sung a kawl Budah te in Kala
Muslim 48 agawhlupna ahaang kician tak in kawlkumpi in akanphat nading in UN te
in Jan 24,2014 ni in gaal haansan uhhi.
· Syria gam kumpi te leh kumpi langpang tapong makaai te
Jan 25,2014 ni ciang Geneva khuapi ah langnih kilemna ding amau pawlmih bek
innsung khat ah tukhawm in thu kikum khawm tading uhhi ci in UN kilemna vaaisai
Lakhdar Brahimi
Jan 24,2014 ni in genkhia hi.
· Alam et huai deklo North Korea gamte in gamnih kileemkik a
kigawmkik theihnading in South Korea te kamkhum tawh akigelh laaipi khat Jan
24,2014 ni in khak uhhi.
· USA gam Tennessee State Senator Lamar Alexander I zum naseem
alianpeen pa ahi Jesse Ryan Loskarn kum 35 Jan 24 ni in a inn ah amah le amah
kikhailum in asisa in kimu hi. Amah peen kumcinglo guaktang maan tawh December
2013 kum a kiman hi a a inn ah setkol
kithuah in aki omsak ahihi.
Khialhna aom khaak leh ngaihdam bawm ah maw
Thang Khawm Pau Zomi