Friday, January 24, 2014

Tulaai Leitung Thuthang Tuamtuam Updates Jan 23,2014


Tulaai Leitung Thuthang Tuamtuam Updates Jan 23,2014


·      Kawlgam Democracy makaai leh NLD Makaai Daw Aung San Suu Kyi Jan 24,2014 ni in Nypidaw pan Vanleeng tawh Shan gam Taungyi khuapi tuding a Shan gam ah 2008 kawlgam thukhunpi gensiat kipan ding hi ci in NLD phualpi pan Jan23, 2014 ni in taangkokhia uhhi.HIh Khualzin na ah ninih sung sawtding ci uhhi.

·      Jan 23,2014 Pituh Hlutdaw thukikup amanciang Pituh Hlutdaw Speaker Tura U Swe Mann kiang ah 2015 kiteel khitciang Daw Aung San Suu Kyi President ongsuak leh bangnaci dia ci in gamsung gampua thukan te dotna abawl leh Lungdam tak in kamuakding a khut kileen in na kaseemkhawmding uh ci in dawng kik hi.

·      Mawbi khuapi sung a om Kawlgam gaalkaap Thaupi phualpi numbat 5010 pan Jan 21,2014 ni zan in thau leh atang pawlkhat mang ahihman in tuni dong in palik te azong in buai mahmah saan uhhi.

·      US gamte in gaaldo ahaatzawk nading leh gaalkaap mihingtha akhiapzawh nading in Set gaalkaap koihding asin laaitak hi ci in Gaalkaap Mang Robert Cone in Jan 23,2014 ni in genkhia hi. Tuaban ah 2019 man in gaalkaap 4,000-3,000 Awn 4 leh alang pan San 4 leh tulsawmnih ah khiamding a, Set gaalkaap kilim zatding ci in genkhia hi.

·      Egypt gam khuapi Cairo khuapi sung a om Palik zumpi maai ah Jan 23,2014 den mahmahlian in Nasia tak in Bomb puakkham a palik zum alangbei in meikhu in tuamcip ban ah thau gingziahziah ahihman in mibangzah si cih kithei naailo hi ci in state TV ah kilak hi. Mit a mute genna ah Nuclear hiphialding in lam ethuaizah in nasia hi ci uhhi.

·      Canada gam Quebec khua sung aom Piteek puteek te omna Innpi Jan 23,2014 ni in nasiatak in meikaang a mi 5 sipah in uhaamsa mi 31 naakliam ahihman in zato kipuak hi. Meiphelh te naseem in anaakbuai mahmah laaitak uh ahihi.

·       Barcelona tukpeeng Team President Sandro Rosell azapan Jan 23,2014 ni in khawl a, Vice President osep Maria Bartomeu in aza luahto hi. Akhawlna ahangpeen Brazil Maaitaai Neymar tawh kisai Spanish thukhenzumte thukhenna lungkim lo ci hi.

·      Kum 3 sung  tualgaal piangsaka, mipi 100,000 nuntaakna abei ban ah Mipi 9.5 million inn le lo pan ahawlkhia Syria kumpi te leh Kumpi langpang te amasa peen langnih maitang kimu a kihotuahna Jan 24,2104 niciang Geneva ah kipan taktak tading hi.

·      Venezuela gamte in Ecuador gamte neihsa Ecuadorian Airline Tame te sum ticket zuakman $43million pianuamlo uh ahihman in Ecuador te in amau gampan Venezuela gam aleengding vanleeng te Jan 23,2014 ni pan khaktan uha, Khualzi mi 80 vanleeng tungpan tuakkhia sak uhhi.

·      South Sudan gam kupi te leh kumpi langpang Tapong te in nai 24 sung kilem nading akiho khit uhciang Jan 23,2014 ni in Ethiopia gam te khuapi Addis Ababa  khuapi pan langnih kilemna suaikaai taktak ta uhhi. Hih langnih buai nahaang in gami 500,000 in inn le lo nusia taaikeek mang uhhi.


Khialna te ngaihdam bawm ah maw Guai

Thang Khawm Pau Zomi