Tulaai Leitung Thuthang
Tuamtuam Updates Jan 22,2014
·
Kawlgam sung a Mualtung mi thautawi kipawlna
UNFC te khawmpi KNU te huangsung ah anithumna Jan 22,2014 ni in zothei uha,
Zing Jan23,2014 niciang Kawlkumpi tetawh kimu a kawlgambup daihna suaikaih pawipi
ciang thusun ding thukimna hoihkhat kimansiang ding hi ci in KIA Bu Guam Maw in
genkhia hi.
·
Thai leh Kawlgam gamgi a om Karen gaaltaai te
omna Nopo Refugee camp ah Karen minam 300 vaal in UNCR zumpi maai ah Jan
22,2014 ni in lungphona nei uhhi. HIh lungphona aneiteng peen mi gamthumna
leengleeng ta leh kideidan in kum4-5 bang sawt khin uh himah leh gamthumna
apaikhalo te ci uhhi.
·
NLD party kiphuh cil 1988 kumpan makaai a
apangden NLD party makaailui khat ahi Daw Khin Saw Thay kum 67 Jan 22,2014 ni in
atenna Inn Maguay Division Nanchaung khuapan Lungtang natna tawh leitung
nusia hi.
·
Israel gam Tel Aviv khuapi a om US Palaaiphualpi
leh Jerusalem khuapi sung a om mipi kikhopna phualpi teng simding a apai Al
Qaeda sawltak mi 3 te Israel gamcing te in Jerusalem khuapi nisuahna lam ah Jan
22,2014 ni in na hingmat uhhi.
·
USA gam te gaalkaap Phualpi Pentagon te in US
gaalkaap te in Biakna tawh kisai niikten puansilh theihna piata ding hi ci in
Jan 22,2014 ni in taangkokhia uhhi. US gaalkaap sung ah Biakna tawh kisai a
Uniform atuam a khuisak ding 5,200 om ci a atamzaw Muslim cisawnsawn hi.
·
Argentina gam President Cristina Fernandez de
Kirchner kaal 6 ni 42 sung Khuak ki-at in zato alupcipna pan amasapeen mipi
tetung ah thugenna jan 22,2014 in nei a, mipi atul athen asim in President
huangsung ah na muak zihziah uhhi.
·
UK gam te in 2010 kumpan gaalkaap khiamding ci a
thukimna aneihna uhtawh kizui in 2014 kum sung 1,400 khiamding in Jan 22,2014
ni in taangkokhia uhhi. 2010 pan 2017 sung gaalkaap 102,000 pan 82,000 dong ah
khiapding thukimna ahihi.
Khialh
na aomkhaak leh ngaihdambawm ah maw
Thang
Khawm Pau Zomi