Tulaai Leitung Thuthang Tuamtuam Updates Jan 21,2014
·
Kawlgam leh Australia gam te gaallam kizopnaw
akizawknading ngimna tawh Kum 50 vaal
sung ah amasapeen Australia Gaal Tembawpi kawlgam ah Jan 21,2014 ni in ni 4
sung taamding in ngaih hawh hi.
· Kawlgam
sung mualtung thautawi pawl leh kawlgam kumpi gaalkaapte kimuhkhopna ah meeting
kahding in UN Envoy Vijay
Nambiar Kawlgam Yangon khuapi Jan 20,2014 ni in tungkhin ta hi.
· November
21-23,2014 sung Kawlgam ah RC ongtunzawh kum 500 cinpawi kibawlding a tuamun ah
Pope Francis ongkihel theihnading in kasam uhhi ci in CBCM te in Jan 21,2014 ni in taangkokhia
uhhi.
·
Syria gam kum 3 sung Tualgaal piang in mipi 100,000 asihna thu
ahaang kankhia ding in Switzerland gam Geneva ah Leitung gam 40 pan makaapi 40
te Jan 22,2013 ni thukikip kipan ta ding uhhi.
·
Ongtungding March khaciang US President Obama
Netherlands, gam ah Nuclear Summit
akahkawm in Belgium gam baangding a,
Pope Francis tawh kimu dinghi ci in White House te in Jan 21,2014 ni in
taangkokhia uhhi.
·
USA gam Virginia State Governor luui Bob
McDonnell leh azi Sumbawl mihau khat ipiak letsong $135,000 man Zum sung ah
asaan na hang in Kumpi ten thukhenzum Jan 21,2014 ni in tun uhhi.
·
South Africa gam Cullinan Mine pan
Blue Diamond 29.6 carat Jan 21,2014 ni in kimukhia hi. 2013 kum in 25.5
carat khat kimu ngei a, $16.9 million kikhawng hi.
·
Pakistan gam Waziristan saklam Taliban te
phualpi Pakistan gaalvaanleeng te in Jan 21,2014 ni in nasia tak in bomb khiat
uha, Taliban gaalkaap 40 vaal si hi ci in Pakistan kumpi te in taangkokhia
uhhi.
·
Israel gaalvaan leeng te in Gaza gunpang to a
kibusa Jihad Islamist migilo te phualpi
teng bomb akhiatna pan migilo makaai Ahmed Zaanin leh adang zalian khat si hi
ci in Israel leh Palestinian kumpi te in Jan 21,2014 ni in taangkokhia uhhi.
Hih pa peen Nungkaal sung Israel PM Luui
Ariel Sharon kivui laaitak a Israel gam
thaupi tawh anakaap pa ahihi.
Khialna aom leh Ngaihdam bawm ah maw
Zomipau
