Tulaai Leitung Thuthang Tuamtuam Updates Jan 14,2014
USA gam a om Zomi te sung ah athei khanaailo te ading in Green Card kum 5 tawikhin US Citizenship gammi hihna alanuam Food Stamp angah te in I-912 Form http://www.uscis.gov/sites/default/files/files/form/i-912.pdf leh N-400 form http://www.uscis.gov/sites/default/files/files/form/n-400.pdf phikhawm in khaakkhawm lecin sum piakhat zong piakkuul lo in US gammi kisuak thei hi. Tua hikei leh $680 kipia kha a hamsa veve ding hi.
Zomi minseel party ineih sun let imuan mahmah ZCD te makaihna tawh ongtungding Jan 17,2014 niciang Yangon khuapi ah kawlgam sung ah minam 135 leh Chin state ah 53 om ci a kawlte ciaptehna amanlohna leh Zomi ading code kisam cihte akipan Zomi thu press conference mipi maai a thupuan na lian pi khat neiding uhhi.
I Zomi te party neihsun leh imuan mahmah ahi ZCD party te mah in ongtungding Jan 23,24/2014 niciang Kawlpi khuasung ah Kawlpi-ZCD te innteek sepna tawh gambup party khawmpi khat bawlding uha, Leitung muntuamtuam pan Zomi makaai te paiziahziah ding uha, adiak in USA gam pan Pu Go Sawm Khup leh Dr Kham Khan Suan te zong vapai ding cihthu kiza hiauhiau hi.
Rakhaing minim the neigh party nihte ahi RNDP party let ALD party the kigawm khawm a party khat a dinding anngetna uh kawlgam kiteelna thusai pawl in Jan 13,2104 ni in phalna piata hi ci in ALD makaai U Aye Tha Aung in Jan 14,2014 ni in genkhia hi.
Asean Makaai pi te khawmpi ongtungding Jan 17,2014 niciang Kawlgam Pagan khuapi ah kibawlding ahihman in Jan 13 nipan kipan asun azan in palik gaalkaap te mawtaw thak vive tawh kileh ziahziah in kinaak gin mahmah uhhi.
Australia gam nisuakna khanglam pang ahi Victoria state sung adiak in Zomi te tampi aomna Melbourne khua kiim teng ah tusung teng khua naaklum mahmah a alumna 40C bangtung ahihman in Jan 14,2014 ni in lung-am a tuuk tawh meikaangtawh, Tuisung a kibualbual tawh kibuai mahmah hici in Country Fire Authority Chief Officer Euan Ferguson in genkhia hi.
South Sudan gam Malakal khuapi sung singnuaimi luh in kumpi gaalkaap te tawh nasia tak in kikaap uh ahihman in Khuasung mi amai vanvan na uh ah gaaltaai uha, Nile gun akantan napan un tembaw kibung ahihman in mi 200-300 Jan 12,2014 ni in si hi ci in UN te in genkhia uhhi. Hih buaina haang in tulian in gaaltaai mi 352,000 pha ci in genbeh uhhi.
China gam Zhejiang Province sung ah Dadong Factory khedap bawlna company Jan 14,2014 ni in meikaang a atawmpeen mi 16 kaanglum in mi 20 vaal liam uhhi ci in State Media te in taangkokhia uhhi.
Laaimal kikhial a om leh ngaihdam bawm ah maw
Thang Khawm Pau Zomi
