Monday, January 13, 2014

Tulaai Leitung Thuthang tuamtuam updates Jan 12, 2014


Tulaai Leitung Thuthang tuamtuam updates Jan 12, 2014


Tedim, Tonzang, Cikha Khuapi huamsung Khua phazah leh mimal lahna 

Tedim Myonee-            Khua -127       Innpha zah- 11,769     Mimal phazah -97,650
Tonzang Myonee-        Khua- 73         Innpha zah -2,630        Mimal Phazah- 26,071
Cikha Myonee-            Khua- 31         Innphazah- 1,394         Mimal Phazah -10,810
Rih Khuadar Myonee- Khua -15         Innphazah- 690            Mimal Phazah -6,267( alang pawite)
                                                                                                Vekpi Gawm    -140,798

2014 Mikisim ciang Zomi ikicih tek naak aleh i ngak lahlah ahi Zomi National Day te nuamtak azangtheiding National level ah akiding zoding ahihi. 

Chin state sung ah mini teelcing taangmi 24 ki om a Zomi 4 bek kihel hi. Tua Zomi 4 te in anuai a bang ahihi. 

1. Pu Zam Cin Pau 
2.Pu Nang Za Mung
3.Pu Cin Lian Pau 
4.Pu Hau Khen Kham 

Kawlgam thuthang tuamtuam 

Kawlgam  sung Kachin state Phakant Mynonee Nanja khua sung ah Kawlgama gaakaap No.140 tephualpi KIA no.6 te in Jan 11/2014 zingtung phalvaakma in buluh in kap uh ahihman in Kawlgam gaalkaap nautang 5 leh Buzi khat si hi. Nasia tak in nitha paaiphial kikaap uhhi ci in Khuasungmite in genkhia uhhi. 

Mithila khuapi sung ah Jan 11/2014 zankim pawl in Innkuan khat sung kitawng gawp uha, akithah khaakna pan un thuhoihlo pawlkhat ging ahihman in minam leh biakna lawhdek tak ahihman kumpi thunei te in mi encikding in palik athuangthuang in koih uhhi. 

Sagaing Division sung khua 5 ah kawlgam gami hihna Matpongtin asiau mite Matpongtin bek hilo in USDP party hihna member card zong thakhat in kipia pahpah ahihman in mipi te lung himawh mahmah uha Jan 12,2014 ni in thukikup pi na khat nei uhhi. 

Leitung gamtuamtuam tawh kisai thuthang tuamtuam 

South Korea gamsung a kiphualsa US gaalkaap te sum le paai vanzat kitaangsam te South Korea gam huhding thukimna ahi Special Mesures Agreement kici thukimna khat US leh S Korea kikaal in kineikhin hi ci in S Korea gamdang palaai zumte in Jan 12,2014 ni in taangkokhia uhhi. Hih huhna tawh kisai in sumtang in Dollar Awn 866 south Korea in US te piading ahihi.

Thailand gam ah PM deihlo lungphona anei mipite nikhat khit nikhat haatseemseem uha, Palik te daalna athuakna kawmkaal uh a Jan 12,2014 ni in Bangkok khuapi sung a om kumpi zum alian zaw deuh teng buluah kipan ziahziah ta uha, Bangkok khuapi sung khakcip sawm uhhi. 

 Piantit-French First Lady Valerie Trierweiler damlohna hang in Friday Jan 10,2014 ni in zato kipuak a, thulamdang aompak kei leh Monday Jan 13,2014 ni in ongtuaktheiding hi ci in Ms Valerie i azum naseemte in genkhia uhhi. 

South  Sudan gam leh gamnuai mite naak buai mahmah uh ahihman in USA gamte in zawltuah ding in Donald Mr Booth sawlkhia uha, Jan 12,2014 ni in Gamnuai makaaipi Riek Machar tawh nuamtak in kimu thei uha, thutampi kikum thei ci in US gampua palaai zumte in taangkokhia uhhi. 

Bangladesh gam kiteelna si le naai tawh abuai kawmkaal ah gualzawhna angah Pi Sheikh Hasina  in Bangladesh gam Prime minister ding in Jan 12,2014 ni in ulian leh mipi te maai ah khutlap kiciamna nei taktak ta hi. 

China gam khanglam aom Yunnan Province  Shangri-La county Tibet town akicihna mun Jan 11,2014 nipan meikang tuni jan 12,2014 dong kiphelh zonaailo a, Inn 3oo vaal kaangtum ta in mipi 2,600 in inn le lo nei nawnlo uhhi. 


Laaimal kikhial kha aomkhaak leh ngaihdam bawm ah maw 

Thang Khawm Pau Zomi