Tulaai Leitung Thuthang tuamtuam updates Jan 9, 2014
New Zogam Project kipan ta
Zomi te peen USA gam muntuamtuam ah minamdang telak ah gammangtu lak a Taangci vawhbang in kitheh thaangleeng tu a agolsa teng isihkhit ciang kimangthang ding hi. Tua ahihman in mitawmna mun ah Zogam khuathak saatding cihthu Sunmang pu mangmatna tawh kizom in, minam tuamtuam kigawm Tengkhat ateenna Bowling Green,Kentucky state ah Zogam khuathak saatding in Atlanta,GA pan Suunmang Pu leh alawmte ongkituah uha, nasep zong Nissan Mawtaw company ah ngahkhin ta uhhi. Asawtlo in Non-profit organization ahi Zomi Innkuan Kentucky,Inc. tawh City major te akipan Governor te kihopihding a kikal suantoto ding ahihman in mipil misiam leh asiamlo mitampi kisam hi. Sangzong khat ngahnading kihanciam ding a, Zolai,Kawllai,Mikaanglaai te sinzawh nading kihanciam ding hi.
Sa sai khawng ah naitha $8-10 tawh khuadam thuak in nahun mawk beibei saklaai ding nahi hiam? Nakhan tawn seemzo ding nahihiam? Mikang pau siam in kawlgam pan Degree ngahsa pipi naitha $8,9,10 tawh nahun mawkbeibei sakding nahi hiam? Time is money. Nawhtak in khensat in Bowling Green,KY ah ongpai in. Nangtawh kituak nasep atam in tam a tulian in nasep nam 100+ om hi. Naitha $11 tawh kipan nuammaw ? Atungsiah maw? nangteeltheih ahihi. Zomi Myanmar Baptist Church leh Zomi Innkuan Kentucky te in ahithei zah in ongpan pihding hi.
ZMBC Pastor Rev Zam Suan Mung- 270-320 9953
ZMBC President Pa Langh Sial Khup-270-320 9320
ZMBC Secretary Pa Kam Lian Thang-270-282 5811
Zomi Innkuan,KY President Pa Thang Than Lian-270-303 8149
Zomi Innkuan,KY Secretary Pa Thang Khawm PauZomi-270-217 9593
Suunmang Pu -404-629 7517
Zogam Mungno-615-354 2008
Jan 9,2014 ni in Hakha khuapi ah Pi Suu Kyi kiang ah Kawlgam kumpi seemdingte ciangtanna thukhun nambat 59 tawh kisai nabangci muh a kilaih kei leh NLD bangcih sawm cih dotna kibawl a, Pi Nu in Gamkhat i thukhunpi cibuang a Numei khat khaktan nadingbek a gelh lawmlawm cihpeen agelh Pasal te daikaai mahmah hi. 2008 thukhunpi akibawl phat kei leh ahunnaai ciang NLD i ngaihsut mipitung ah kisungding ci in dawngkik hi.
December 201 New York khuapi ah Visa vaaitawh akiman India gam Palaai Devyani Khobragade India gammi te in lungphona tawh angetna haang un athu kimaaisak in Jan 9,2014 ni in USA gam pan paikhia ding in US kumpi te in thupia ahihman, Jan 9,2014 nitaak in JFK vanleengtual pan India gamzuan in ciahta hi ci in US kumpi thuthang te in genkhia uhhi.
Chile gam nasia tak in meikaang a meikhu in khuasung teng tuamcip ahihman in Santiago khuapisung ateeng mite innpua kuamah paikhia loding in kumpi thuneite in Jan 9,2014 ni in thupia in taangkokhia uhhi.
Leitung ah Tukpeeng kimawlsiam mahmah Manchester City pan kimawl Yaya Toure Confederation of African Football (Caf) Footballer of the Year ngahding in Jan 9,2014 ni in teelna ngah hi.
Israel Prime Minister luui Mr Ariel Sharon kum (85) 2001 kum pan aneih Kal leh sunglam tuamtuam natna haang in Tel Aviv khuapi kiang aom Sheba zatopi ah Jan9,2014 ni in kipuak a, gim semsem hi ci in Israel kumpi thuneite in taangkokhia uhhi.
Afghanistan gam nisuahna lam ah Zan lam duty a aleeng kawikawi US Gaalvang leeng khat Jan 9,2014 ni in kia a, US gaalkaap 3 leh civil mikhat si hi ci in US gaallam thuneite in taangkokhia uhhi.
Tulaai tak in Vanlaai ah Solar Storm oma Van le lei kikaal aom na tampi tak susia ban ah leitung ongneh mahmah ahihman in tuzawh na 24 pawl ah Vanlam tawh nasepna ahi Vanleeng sung a kizang vante, GPS, Radio cih te nawgkaai sakding hi ci in Jan 9,2014 ni in NOAA space scientist Joe Kunches in genkhia hi. Hih thu haang in NASA te in Jan 8,2014 ni a Virginia pan akhah sawm uh vanlaai khualzinna ani khaangto uhhi.
Laaimal kikhial kha aomkhaak leh ngaihdam bawm ah maw
Thang Khawm Pau Zomi
