Tulaai Leitung Thuthang
tuamtuam updates Dec 20, 2013
·
Zomi
ten Saangmaang nih ineihna sungpan khat ahi Nelson Pa zi Nelson tonu in 12/19/13 ni in Pasian kiang ongzuatsan ta
hi. Tonu pee kum 97 cingdektak a, aluanghuam ahihleh 12/23/13 ni in Apasal haan
ah kivuiding hi.
·
Philippine
gam Manila khaupi a om Manila Vanleeng tualpi ah migilo khat in mi 12/20/13
ni in miban kaap a, Mi nautaang 3 leh
Manila khuapi leitawlam a uk Mayor Ukol Talumpa zong si hi.
·
Tu
nungkaal sung a US kumpi teng New York khuapi ah Visa zuauphuahna haang a amat uh deputy consul general of
India in New York Ms Devyani Khobragade peen 12/20/13 ni in India gambup in US te aw
namimat uh khial uhcin India tung ah thuum unla athu beisak un ci in nasia tak
in lungphona nei uh himah leh US ten mawkkoih sawmlo baan ah amawhna teltak
akimuh leh Kum 15 thongkiading ci in taangkokhia uhhi.
·
USA
gam Utah state te in kum tampi sung akhaamkhaam uh neihkibang kiteenna 12/20/13
Lungdampawi madeuh in phalna piata uh ahihman in neihkibang kiteengnuam
kheempeuh in kipaaktak in kiteenna letmat te la in mopawi khaam kipan ziahziah
ta uhhi.
·
Bolivia
gamte in amau gam ading in amasapeen telecommunications satellite kizopna apiasawn
huihlak palaai China gamte huhna tawh 12/20/13 ni in khahkhia zotaktak ta uhhi. Amuh khatna uh leh aneih masak peen
uh zong ahihman in lamdang samahmah uha, Bolivia TV ah nitha paai suaksak
bekthamlo in La Paz khualaai zang ah lak uh ahihman in mi ateng asim in en
zihziah uhhi.
·
London
khuapi sung ah Khuasung vaak mipi te tuanna Bus pikhat 12/20/13 ni in amit mang
kha in singkungpi khat phu kha ahihman in mi 30 aliam nalakpan mi 6 anaakbek uh ki ten laai hi.
·
Lebanon
gamsung a phualsaat thautawi lianpeen ahi Hezbollah tapong te Gaalkaap mangpi
pa December kha kipat lam in Beirut
khuapi akithahna thu Hezbollah makaaipi Hassan
Nasrallah in 12/20/13 Israel te ngah a, phu kong langeingei ding uh ci in
Israel te vau hi.
·
USA
gam Indiana state Indianapolis khuapi a tung Kawlgam mi Refugee te ading in USA
kumpi department khat ahi Health and
Human Services te in amasapeen $ 600,000 12/19/13 ni in piakhia uhhi.
ZomiZomiZomi te ading koi ah ikhuapi apawl ????????????????
·
Russia
President Putin thusiamna tawh Russia kumpi langpang leh Mihau peen Meitui
neipa Mikhail Khodorkovsky kum 10 sung
thong ah aomkhitciang 12/20/13 ni in suahtaakna ngahta hi.
Laai mal&ani akha kikhial kha aom leh ngaihdam bawm ah ong
na khiatsak un maw
Thang Khawm Pau Zomi
