Tulaai Leitung Thuthang
tuamtuam updates Dec 7, 2013
·
Yangon
khuapi a kibawl Women Forum pawipi
amankhit ciang, Thukan te thudotna ah Piantit gam ngeina lamtawh kisai Ms.
Aurelie Filippetti in 2015 kawlgam kiteelciang Daw Aung San Suu Kyi agualzawh
nading in Piantit gamten kahuhding uhhi ci in genkhia hi.
·
Kawlgam
a akibawl Sea game ah 12/07/13 ni in guallelzawciah tukpeeng kimawlna tawh
Kawlgam leh Cambodia kimawl uha, Kawgam peen atapkual haan ahihmah bang in goal
3-0 tawh zodep uhhi.
·
1995 kum a kiphut leitungbup sumbawl kipawlna
WTO te in 12/07/13 ni in Indonesia gam Bali
khuapi ah thukikuppi na khat nei uha, amasa peen thukimna hoihlkhat
kingah hi ci in Makaai Roberto Azevedo in taangkokhia hi. Hih WTO ah leitung
gam 159 kihel hi.
·
China
gam te in Nungkha sung in East China Sea tung ah vantung lampi akeekna uh
lungkimlohna in South Korea te in zong tuamun teng mah ah 12/07/13 ni in
Vantung lampi ko a ciang akakeek kik uh ci in taangkokhia uhhi.
·
US
gamsung teng adiak in alaaizang teng ah Vuuk leh Tuikhal guah tamlua ahihman in
12/07/13 ni in state 9 pan mi 12 si in
mawtaw 70 kibung a, mun 200 ah mawtaw kiphu khaa hi. Atam peen Teexas state
sung ahihi. Zing 12/08/13 ni zong lauhuai mahmahding ci in khuahun siamte in
gen uh himah leh Zomi te Khuapi khat ahi Bowling Gree,Kentucky ah leitang keu
sitset den hi.
·
Colombia
gaam Inza khuapi sung a om Palik zumpi migilote in 12/07/13 ni in bomb tawh
puakkham sak uh ahihman in mi 8n sipah a adang tampitak liam uhhi ci in
Colombia thunei te in taangkokhia uhhi.
·
US
President Obama leh azi first Lady Michele Obama te Nelson Mandela gaalding in
12/10/13 ni ciang in S Africa zinding hi
ci in White House te in 12/07/13 ni in taangkokhia uhhi.
Zingciang 12/08/13
ni Thuthang off day
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi