Tulaai Leitung Thuthang tuamtuam updates December 28,2013
Kawlgam sung a Democracy Party Lianpeen ahi NLD te in 2015 kawlgambup kiteelciang 2008 kawlgam thukhunpi akikheel keizong in Mee kuang kaluiding uha, kadem veve ding uhhi ci in Party Phualpi thunei U Nyan Win in 12/28/13 ni in taangkokhia hi.
Leitungbup Mon minam khangno te i khawmpi Mon state Mohkanen khua ah 12/28/13 ni in nopcitak in bawlkhawm uha, gamsung gampua pan Mon minam khangno vive mipi 10,000 ding kah uhhi. Abeisa kum tampi sung ah naakpi tak in ahanciam uh himah leh tutung in gualzawhna angahtaktak pan hi ung ci in Mon khangno makaaite in kipahnathu genkhia uhhi.
Kawlgam sung ah tulian a kumpi seem ahi USDP party ten in party gambup khawmpi 12/24/13 nipan Nypidaw khaupi ah nasiatak in bawl uha, 2008 kawlgam thukhunpi puahhatnading, laihnading cihthute nasiatak in kikumkhawm uhhi. Bangthu teng khensat cihthu kuama kiang ah genkhiatna neinaaillo uhhi.
Bangladesh gam sung pan a gaaltaai Rakhaing minam te Chin state Paletwa nee sung ah tung in kibehlap toto a ,12/28/13 niciang innkuan 7 bang phata uhhi ci in Chinland Gurdian thuthang te in genkhia uhhi. Asawtlo in Chin minamte ong vombilbial ding hileh kilawm sapong ing ee
Thailand leh kawlgam kikaal a om Karenni gaaltaai te khuakhat ahi Maehongsong Refugee camp 12/28/13 ni in kaangleuleu in piteek khat taaizolo ahihman in kanglum a, inn 20 kaangtum hi ci in Maehongsong refugee camp thunei te in genkhia uhh.
Malaysia gam Sabah state a naseem kawlgam mi 97 te Kawlgam mikhat leh Indonesia mi khat kitotna haang in tunidong naseem ngamlo, huhna lah ngahnaailo in cimawh in bukawikawi laai uhhi ci in Malaysia gam kawlgam mi naseemte vaai a encik Ko Kyaw Naing Win in 12/28/13 ni in genkhia hi.
Thailand gam Prime Minister huang kiim ah lungphona anei mipi te in 12/28/13 zanhak in lungphona aneih laaitak un amin kitheinaailo thautawi mikhat in lungphona anei mipi te bankaap a, lungphona anei mi khat si in mithum nasia tak in liam hi ci in Bangkok post in genkhia hi.
China gam ah kumtampi tak azat uhleh abuai pih mahmah thu uh ahi nupa khat in ta khat ta neithei cihthu leh kahna leh hagawina gawtmun zatnawnlohding in 12/28/13 ni in Amyotha hlutdaw pan thukimna leh khentana neitaktak uhhi. HIh bang a Amyotha hlutdaw khensatna peen November khasung a Communist party te taangkokhiat aban azopsak na uh zong ahihi.
USA gamsung ah nasep neikimlaai akikhawlsak nasep neilo te huhna Program peen 12/28/13 ni pan kipan beita a athak geelbehding tawh kisai in US Lawmaker thukimna ngahzolo uh ahihman in tuni 12/28/13 nipan kipan nasep neilo te in huhna sum ngahnawnloding hi ci in US kumpi te in taangkokhia uhhi. Hih progame sung naseem neilokhat in khakhat in $1,166 ta angah hi a, tu in naseemneilo mipi Million khat vaal in huhna ngahnawnloding uh ahihi.
Syria gam saklam a om Aleppo khuapi sung a om Vanzuakna Bazar pikhat Syria gaalkaap te in Vanlam tawh 12/28/13 ni in nasia tak in do uh ahihman in mi 21 si hi ci in Syria gam khuahun encik pawl in taangkokhiak uhhi. HIh bang a Syria kumpi te in taangpi tung a ahaimtatna haang un mihing zaleen na lam thuneite in mawhsak mahmah uhhi.
Laaimal kikhialkha aomkaak leh ngaihdambawm ah maw……….
Thang Khawm Pau Zomi
