Tulaai Leitung Thuthang
tuamtuam updates Dec 10, 2013
·
Zomi
te Pasian in thupha ongpia in Kentucky state USA, pan Pa Pat Tung@Patung US
gaalkaap san 2 in FBI nasep seemtheih nading akisamteng ngahta ahihman in Topa
minthang ta hen! Zomi sung ah amasa peen hiding in kalam en hi.
·
ZCD
party leh Kawlgam Immigration makaaite Yangon khuapi ah tuni 12/10/13 ni in
kimu thei uha, 2014 kum misimna ah Zomi cihding tawh kisai dotna dawnna kinei
thei uhhi. Zomi acinuam ten kici thei a, kip sakna ongnungpaiding ci ahihman in
lungdam huai mahmah thu ahihi. Ikhua ciat ah Zomi cisakding hihang tutung a
ikhahsuah leh Zomi icihtheihnading hunhoih in ongkhengding hi.
·
Yangon
khuapi sung Mayankong veeng a om Gandama Whole sale vanzuakna 12/09/13 ni in
meikaang a, mi 7 si in pawlkhat liam uhhi.
·
Kawlgam
sung a om Mualtungmi thautawi kheempeuh leh Kawlkumpi te anihveina kilemnatawh
kisai thukikup na December 17-25 nidong KNU te huangsung munkhat ah neikiding
ci in KNU te in 12/10/13 ni in taangkokhia uhhi.
·
Nelsan
Mandela sih gaalna sung ah alamdang mahmah in 1961 pan akiho vetlo Cuba ga I President
Raul Castro leh President Obama 12/10/13 ni in kibansah kha mawk uhhi. Tuabek
hilo Afghanistan President Hamid Karzai leh President Obama zong kibansah khalaai
uhhi.
·
Thailand
PM Yingluck Shinawatra apanmun pan
akhawlnading adeihlo mipite in lungphona aneih saan laitak un PM Yingluck
Shinawatra in February 2,2014 kiteelkikdong kakhawl keiding hi ci in Thai TV
pan 12/10/13 ni in taangkokhia hi. Lungphonabawl makaai Suthep Thaungsuban inbel PM atutna pan atuahdong lungphona kizom
tosuakding ci in genkhia hi.
·
China
gam khanglam Shenzhen khuapi sung a om
lokho mite vanzuakkhopna Bazar 12/10/13
ni in meikaang a, meiphelh mawtaw 29 leh meiphelhnasem 145 in anuai keei uhleh
mi 16 sihsuah veve uhhi.
·
US
President Obama leh New York Mayor Michael Bloomberg te ngahding a guu kisawh
laai akhak hiding a ki um mawh Texas
state mi kineihsiam Actress Shannon
Richardson,kum 35 in 12/10/13 ni in kakhial mah hi ci in pulaakkhia ta hi. Amah
peen June kha sung a upmawh mat hi a kum 18 thong ah kikhumding ahihi.
·
CAR
Central African Republic a Muslim leh Christian te buaina hang in gaalhuh a pai
Pianitit gaalkaap asi nih te French President Francois Hollande in 12/10/13 ni
in zahtaakna pia hi. Hih paltan nihte 12/06/13 ni a si uh hi a tu in CAR ah
Piantit paltan 1,598 omlaai uhhi. Hih buaina hang in mipi 394 si uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi