Tulaai Leitung Thuthang
tuamtuam updates Dec 9, 2013
·
Qatar
gam Doha khuapi a 12/11/13 ni kibawlding World Innovation Summit for Health
(WISH) ah thugending in Daw Aung San Suu Kyi 12/09/13 ni in Yangon khuapi pan
leengkhia ta hi.
·
Shan
gam Taungkyi khuapi a om Muslim makaai khat I inn ah 12/08/13 ni in Bomb
puakkham in mikhat naakliam mahmah hi. Pailk te leh Bomb lam theiten a sit
uhciang bawltawm bomb hi ci in genkhia uhhi.
·
Mualtung
mi thautawi UNFC makaai te Yangon khuapi avapai khit uhciang kawlten nakoi
cikheem hiam ah ongtungding 12/18-20-13 sung KNU te huangsung Karen gam ah thukikum
kikleuleu ding ci in KNU makaaite 12/09/13 ni in genkhia uhhi. Nung October kha
in KIA huang Laiza khuapi ah neikhin
uha, Mualtung miteng amakaai nuam kituhta uh hileh kilawm hi.
·
Mon
minam party nih ahi 1990 kum gualzawhna ngah party lui leh 2010 kum mee
kuanglui party thak tegel kigawmkhawm ding in 12/09/13 ni in thukimna ngahta
uha, December 22 niciang aminthak khat phuak in kumpi ah minkhumding in
kithukim uhhi.
·
2008
Kawlgam Pingpei thukhunpi phuahphat nading a encikpawl kiang ah 12/09/13
niciang puahphatnading party tuamtuam leh kipawlna tuamtuam pan akipuak nam
2,800 phata cizen hi.
·
Thailand
gam ah Prime Minister Yingluck Shinawatra aza pan akhawlnading in mipiten ngen
in lungphona aneihzawh uh ani 9 ni 12/09/13 ni in PM Yingluck Shinawatra Parliament
kaphiatsiang ta hi cih thu taangkokhia a, Maikum Feb khasung khawng ah kiteelna
bawlkik ding in genkhia hi. Ahizong in lungphona anei mipi te Bangkok khuapi
sung ah hai otot saan laai tak uhhi.
·
Central
African Republic sung Muslim migilo te buaina khawltheilo ahihman in tuamun a
UN mintawh gaaldo Piantit te ngetna tawh US military C-17 aircraft 2 leh
paltan 850 Burundi pan nai 24 sung a CAR tungding in Defense
Secretary Chuck Hagel 12/09/13 ni in sawl hi.
·
Singapore khuasung ah 12/08/13 ni in India gammi
khat mimal neihsa Bus khat taihlum
ahihman in mipi lungkimlohna nasia tak kipan in gamdangmi naseem 400 lamdung
lamvaai ah lungphona nei in palik tetawh kisual ngekngek uh ahihman in mi 18
vaal liama, 27 palik ten manphot uhhi. Singapore Prime Minister Lee Hsien Loong
khawl lel un gam minsia sak lel uhcin
gamdang mi naseem adangte nangawn nawngkaaisak lel nuteh ongkinawnkhia manglelding
hi ci in vau hi.
·
Indonesia
gam I khuapi Jakarta khuapi khanglam ah 12/09/13 ni in Meileeng khat leh mawtaw
khat kiphulkha in mi 5 sipah a, mi 78 naakliam hi ci in Jakarta palikte in
genkhia uhhi.
·
Leitung
ah tukpeeng kimawlna asiam aminthang
mahmaha leh leitung in a etteh gamkhat ahi Brazil te zong tu ngawngaw
ciang nidang bangnawnlo hiam 12/08/13 ni a kibawl Vasco da Gama leh Atletico
Paranaense kimawlna a en mipi te nasia tak kitawng uha, Palikten Helicopter
tawh nadelh man bilbel ahihman in mithum zato kipuak hi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
