Tulaai Leitung Thuthang tuamtuam updates November27, 2013
·
Kawlgam
Democracy Makaaipi leh NLD makaaipi Daw Aung San Suu Kyi tuni 11/27/13 ni in
Australia gam tungta a Sydney Opera House University thum kigawmkhawm lukhu neelkaai
piakna ah thugenna nei hi. Athugenna sung ah kawlgam 2008 thukhunpi laihtheih
nading in Gaalkaap mangpi pa tung ah kinga
hi cih thu genkhia hi.
·
Thailand
gam buaina nasia semsem a, 11/27/13 ni in Bangkok khuapi sung a sum lamtawh
kisai kumpi zumteng leh Minister zumteng lungphona aneimipi te in buluah khin
uh a Home Minister zumpi apualam pan umcihkhin uhhi. Tuaban ah lungphona anei
mipi te in Thailand Prime minister nu a zaa pan akhawldong lungphona
zomsuakding ci in gen uhhi. Hih lungphona peen Thailand Prime minister ahuh pa Suthep
Thaugsuban nahi mawk ahihman in Palik te in matding in 11/27/13 ni in
taangkokhia uhhi.
·
Brazil
gamte in 2014 World Cup tukpeeng suihnading a £218m bei a alam uh tukpeeng
kimawlna tualpi ahi Sao Paulo stadium lam et lohpi in 11/27/13 ni in kicim ek a
mi 2 si hi. Akicipna thu kumpi teen naakpi tak akan nading un FIFA thunei te in
thupia uhhi.
·
China
ten Vanlam khualzin na gamgi akhunna uh East China Sea tawh kisai thu vaanding
in December 2, ni ciang US Vice President Mr Joe Biden China gam paiding a
South Korea leh Japan zong hawhsuakding hi ci in White House te in 11/27/13 ni
in taangkokhia uhhi. US Defense Secretary Chuck Hagel in Japan Defence Minister Itsunori Onodera
hopih a patau kei un hih China te gamtatna ah US gaalkaapte om hithiat loding
hi tu in Guam pan B52 Bomb guahpi zusak theite nih asun azan in kileengsakding
a, Japan leh South Korea gam ah zong US gaalkaap 70,000 Vot siduh bang in
gaalkaap nuam in liikkei uhhi ci hi. Taiwan te
leuleu hih China te kakap mai uhdia khutthaklua thaklua cin ling vanvan
ta uhhi. Bangthu ongpiang hiam endih ni ei
·
Italy
gam te in Prime Minister luui ahi Mr Silvio Berlusconi siahpiakna tawh kisai
mawhna nei ahihman in Mipi teel palaai pi te in koicihding cihthu 11/27/13 ni
in kikum uh a, Parliament pan thakhat thu in hawlkhiat ding in thukimna nei
uhhi.
·
Syria
kumpi te in January 22,2014 ni a Geneva khuapi a kibawlding Syria gam daihna
thukikup khopna ah kakah ding uh a, ahizong thuneihna ki ap ding cih te pawl
ongkigeenkhaak leh ka ngai vetkeiding uhhi ci in 11/27/13 ni in taangkokhia
uhhi. HIh Syria gam daihna thukikup khopna peen US leh Russia te makaihna tawh kibawlding ahihi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi