Tulaai Leitung Thuthang tuamtuam updates November23, 2013
·
Japan
kumpi te in Chin State Kanpalet Township Kyindwe khua ah $153,379 bei in Tan 10 saang
innpi lamding in thukimna nei uh a, nungkaal Thursday 14,2013 ni in Japan Ambassador
H.E. Mr. Mikio NUMATA leh avaai hawmpawl
in suaikaai khin uhhi. Nungkha sung in
Mindat township ah saang innpi 5 lam nading huhna piakhin uhhi. Tua ban ah
Japan gamte in Kawlgam huhna project 5 nei uha khat peen Chin state hi in Pegu
ah saang, Kaya gam ah lampi,Shan gam ah Zato leh Irrawady dung ah Lei cih bang
in geelna nei uhhi. U
Khin Maung Soe, Union Minister of Electric Power in agenna ah Chin state khua
50 ah Japan gamte huhna tawh mei kipiading ci in genkhia hi. Hih Japan gamte project kheempeuh peen
2014-15 sung ah nasep kipan ziahziah tading hi ci hi. Zomi te ading aomkha nam ei aphul zolo
maw ka ommun pan nacici ing ee
·
Kawlgam
sung minam kee pawl ahi Kachin leh Rakhaing gam a gaal kidona hang a gaaltaai
mici mawh te huhna ding in EU Kipawlna te in EU sum Awn 3 kapia khiading uhhi
ci in 11/22/13 ni in taangkokhia uhhi. Hih sumte peen adiak in Shan gam saklam
a KIO leh Kawl gaalkaap kidona hang a
gaaltaai te leh Rakhaing gam minam leh biakna kihuatna hang in gaaltaai te
kipiading hi ci uhhi.
·
2008
kum kawlgam thukhunpi namtui tak a
bawlphat theihna ding in Gaalkaap, Parliament leh Tulian kumpi seem pawl thum
kimuh khopding thupi a, hih kimuhkhopna apiantheih nading in President U Thein
Sein tung ah thuumna laai kapia ding hi ci in Daw Aung San Suu Kyi in 11/23/13
ni in taangkokhia hi.
·
Thailand
gam Chinmai khua ah UNFC leh party 11 te
kimuhkhopna amankhit phet in UNFC pan makaaipi 3 11/23/13 ni in Yangon
khuapi ongtung vat uhhi. UNFC lampan agenna ah UNA leh kumpi lam thuneite tawh
kimuding ci in taangkokhia uhhi. Kachin gam Laiza khuapi a kiphuan khia ahi
kilemna vaaihawmpawl NCCT te in November 25 ni kilema ading thu kikupkholhna
neiding in geelna nei himah leh UNFC makaaipi te Yangon khuapi ongtun vatna hang
in November 26 ni ah khinto uhhi.
·
Laos
President Choummaly Sayasone South Korea
gam ah nithum sung taamding in vahawh a, 11/23/13 South Korea President Park
Geun-hye tawh kimu khawm uhhi. 1995 pan Laos leh S Korea ulian nih akimuh masakpeen na zong ahihi.
·
Turkey
Prime Minister Recep Tayyip Erdogan in Egypt makaai thak te gensia cih mawhsak
natawh Egypt gam a om Turkey Gam palaai pi Egypt gampan hawlkhiat ding in Egypt
kumpi te in 11/23/13 ni in khensat uhhi ci in Egypt kumpi te in taangkokhia
uhhi.
·
China
te in Diaoyu ci in Japan ten Senkaku ci
a amin vawh uh South China Sea teng huam in China te in 11/23/13 ni in gamgi
khun in Gaal vaan leengtawh cingta uhhi. Hih mun peen Japan,China leh Taiwan te
ko a aciciat uh ahihi. Lam et lohpi in Gaal piangthei vat ding in upmawh huai
hi.
·
Syria
kumpi te in gaalvaanleeng tawh Syria gam Aleppo khuapi sung zial uh a mi
atawmpeen 40 si hi ci in Syria gamvaai encik pawl in genkhia uhhi. HIh mun peen
Syria gam tapong te kiphualna munpi khat zong hi ci hi.
·
LEitung
ah gam tha haat peen gam 6 ahi UK, US, Russia, China, France , Germany leh Iran
gamte in Iran Nuclear vaaitawg kisai thukikupna Geneva khuapi ah nei uh
athukimna hoih mahmah khat ngahta uhhi ci in 11/23/13 ni in the Iranian Foreign Minister Mohammad Javad
Zarif in genkhia hi. Hih tawh kisai in bangciang thukimna cih akician in
taangkokhia naailo uh a, President Obama in phalvaak ma in thusuah bawlding ci
hi.
·
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi