Tulaai Leitung Thuthang tuamtuam updates November22, 2013
Zomi te kia hilo in Zomi cih laaimal leh kammal ngiat
Pasian in thupha ongpiaksak ngiat ahihman in khum zungzung ban ah minam dang pipi
khawng in Zomi lonuam keei Zomin khawng phuaknuam phial cihbang in alamdang tak
in Pasian in Zomi ong ompihna katel theih hi.
Pasian naseem te hita leh Minam naseemte hitaleh mit mahmah
tawh muhtheihpah ding in Zomi sung ah kibual a Zomi tawh khut kileenkhawmte ama
zang in adau pai tektek hi.
Tua mah bang in aleh
lamkhat ah I etciang Zomi taaisan,langpan, thusimlo a om peuh mah kiam suklam, manthanlam, beilam, kasiatna lam vive manawh lel uhhi. Tua
ahihman in pawlkhat Zomi nangawn acitheilo te nangawn zong Zomi te lak ah
ongkibualnuam tampi omta cihpeen imuthei hi.
·
Kawlgam
sung a Party pawkhat leh Kawlgam iteelna vaaihawmpawl pan U Tin Aye te Yangon khuapi sung a om Panda Hotel sung
ah 2015 kiteelpi dingtawh kisai holimna 11/22/13
ni in nei uhhi. Ki hona tampi te lak ah 2015 kiteelpi ciang Meekuang luiding
Palaaite in luutman Teng5 apiakding hinapi in Teng3 ah kikhiamding a tua Teng3
zong Mee kiteelna ah Meettang 8/1 angahzawh leh piakik ding ci in U Tin Aye in
genkhia hi.
·
Kawlgamsung
a mualtung mi khat ahi Mon minate in aneih uh gamvaai kipawlna party nih te (MDP) leh ( AMNDP) gawmkhopdong geelna nei
uh ahihman in 11/22/13 ni in Mawlamiai khuapi ah makaai teng kikumkhawm uh a
Party nih kigawmkhopding in thukimna ngah uhhi.
·
Nypidaw
palik, Muse palik leh China gam Swely palik te kigawmkhawm in Shan gam Muse khuapi innsung khat pan Lungsim
nuamsak vankhaam zatang Dollar Awn 30
tuni 11/22/13 ni in makhia uhhi.
·
Sengam
nisuahna kaai lam Qingdao mualdung suk ah 11/22/13 ni in Set sathau tuamtuam te
anawnna uh pipe line pi puakkham ahihman in mi 44 si uh a 166 liam uhhi.
·
Sengam
te in amasa peen ahawl palo Drone ( Sumkuang sikha vanleeng ) bawlkhia in
11/21/13 ni in amasa peen minutes 20
sung akhah uhleh buaina omhetlo in tungkik ahihman in tun a utut na gaalbeng theih ziahziah ta hi. Hih vanleeng
peen aminding in Sharp Sword ci in phuak uhhi.
·
Latvia
gam Riga khuapi sung a om Apartment ,
shopping tawh akithuah innpi khat
11/21/13 ni in kicim a mi 56 sipah in 37 zato ah kipuakpah hi. Tuni 11/22/13
nidong in mizong te buai mahmah laai uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi