Tulaai Leitung Thuthang tuamtuam updates November11, 2013
·
Kawlgam
sung a gamvaai tawh thong kia aomlaai kheempeuh December 31 nima in minsazian
ongpuakkim un ci in kawlgam President zum U Lian U Aung Myint in 11/10/13 ni in
taangkokhia hi.
·
Thailand
gam sung Nasepna phualsung a akikhumcip kawlgammi 26 leh Laos gammi 24 te
11/11/13 ni in Thailand mizuak daalpawl leh Thailand gam a om Kawgammi kipawlna te in honkhia uhhi.
·
Kawlgam
Pituh Hlutdaw I a 8 veina khawmpi 11/11/13 ni in Nypidaw ah kibawl a amasa peen
Mualtungmi te ingahding akilawm hamphatna tawh kisai thukhun ahaampi kikupding
in Pituh Hlutdaw Palaai U Ti Khon Myat in puakluut hi.
·
Leitungbup
Muslim kipawlna OIC Secretary Ekmeleddin
Ihsauoglu leh apawlte mi 7 kawlgam ah
11/12/13 ni in tungding uh a NLD Makaaipi Daw Aung San Suu Kyi leh kumpi lam
Uliante tawh kimukhawmding uhhi.
·
Tunungkaal
Friday November 8,2013 ni Philippine gam Typhoon huihpi in nasiatak anawkna hang
in misi zongding, acimawhte huhding in UN thuvaaihawmna tawh US leh UK te in aircraft carrier, Navy Ships te tawh
vantampi tak leh mihonding akicing tak in pua in 11/08/13 ni in kuankhia
ziahziah ta uha, US te a amasa peente Manila khuapi pan Tacloban khuapi zuanziahziah ta uhhi.
·
US
Senator Jim Inhofe I tapa Dr Perry Inhofe, kum 52 Kansas state pan ama vaanleengtawh Tulsa
khuapi vanleeng tual tuding in 11/10/13 ni in ongleeng a Tulsa vaanleeng
tualnawl ah kia ahihman in si hi ci in US Defense secretary zumpi te in
11/11/13 ni in taangkokhia uhhi.
·
Somalia
gamte in tuma kum 20 laaipekpan ahanciam uh palikte thukin a sapziauziau theihna
emergency number 888 neithei taktak ta
hi ci in 11/11/13 ni in taangkokhia uhhi. 666 ahihloh phadawm ei
·
Leitung
ah aminthang mahmah ahi Apple company te leh Samsung company te pilna
kiguuksakna hang in zum akitutna uh thu siantaktak naailo ahihman in asawtlo in
thukhen zum tukikding uha azenzen in Samsung te mawhna akimuh leh $18.3bn liau
khading ci in Apple ten 11/11/13 ni in taangkokhia uhhi.
·
India
gam Delhi khuapi sung athahaat lualo zinlinna in 11/11/13 ni in 4 vei nawk a
innsia losia leh asi aliam bel bangmah omsamlo hi ci in India kumpi te in
taangkokhia uhhi.
·
India
gamte khahkhiat vantung khualzin Mars leitung hawhding a apaipai 11/11/13 ni in
vaanlaai ah asetkaang ahihman in naakbuai mahmah uha, 11/12/13 niciang khualzin
zomding maw koiciding cih kitelding hi ci in Indian Space Research Organisation
(Isro) te in taangkokhia uhhi.
·
Poland
gam suahtaakna phawkna kawm in mipi
tampi tak in lungphona Warsaw khuapi sung ah 11/11/13 ni in nasiatak in
nei in Russia palaaizum simsawm uh ahihman in palikten adaalna pan mitampi tak
liam uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
