Tulaai Leitung Thuthang tuamtuam updates November 9,2013

Tulaai Leitung Thuthang tuamtuam updates November 9,2013

·       Pa Langh Hau Cin (KapTel Khua )Songput Beh, leh Nu Vung Lam Cing (Kap Tel Khua ) Songput beh te I Tanu Cing Lun Kim Kum 2 leh kha 6 in 11/06/13 zingsang nai 4:00Am kiim a ongnusia 11/08/13 ni zingsang  nai 9:45am in Haanmual ah buaina omlo in kivui khinta hi. Hun Kheempeuh ZMBC pawlpi in ongmakaih in, Zomi Innkuan Kentucky in tanu ongsepsak hi.

·       Tua ban ah Nashville Khuapi a om ZCC pawlpi Upa Dai Thang, Sia Piang leh Shalom pawlpi pan Sia Kam Kap , Owensboro khua pan Nu Cing Bawi, Nu Dim te  in Pasian leh Zomi a itna hang uhtawh si onggaal uhhi. Misi buk ah Sia Rev Kam Kap in hanthotna tomno nei in Haanmual ah Innteek pawlpi Pastor Rev Zam Suan Mung in sihvuina nei hi.

·       Cingnu tungtaang ah online pan ongdahpih kheempeuh,Khual pan  ongpai a si onggaal te kheempeuh , Thungetna ah ongphawk kheempeuh leh onggimpih ongtawlpih kheempeuh tung ah lungdamna lianpi kongko uhhi. ( Inn teek baangkua )

·       Hih misi nu pa Pa Langh Hau Cin peen mikim theihding in 1994 kum Tedim khuapi sangnaupang pawipi a  Helicopter abawltawm leengsak a, Set an su abawl Music ginlian ciang a Muutpuak aleeng ziahziah ding a abawl Zomi Setvanlam asiam mahmah aminthang UPC pawlpi Sia Khai Thang tapa ahihi.

·       Kawlgamsung Mualtungmi  khat ahi Kachin minamte gam Mansi huam khuano te ah October khabei pan tunidong  KIO leh Kawl Gaalkaapte nisim phial in kikaap zeuhzeuh uh a, 11/08/13 ni in nasiatak in kikaap na piang a tumahmah in zong kikaapkaap laai uhhi. Mualtung mi thautawi teng Kawlkumpi in azu asa tawh kheemzon khin a Kachin bek cianlaai ahihman in kidona thupi seemseemding in kilam en hi.

·       Kawlgam ban akizuak kawlgammi 26, Numei 16,Pasal 10 te in 11/08/13 ni in Bangkok khuapi pan Km100 akigamlaatna khuano khat ah Kawlgam mizuak khaampawl  leh Thailand palikte kipawl in honkhiazo uhhi.

·       China kumpi te in masapeen vaaihawmna tawh NLD party te kaalkhat sung China gam ah hawhding in kho uh ahihman in December kha sung in NLD palaai 10 kuankhia ding hi ci in NLD zumpi te in 11/08/13 ni in taangkokhia uhhi.

·       Leitungbup Muslim kipawlna OIC November khakim pawl in Kawlgam hawhding uh a Rohingya Kala te thu vaanding hiu ci in 11/07/13 ni in OIC in taangkho khia uhhi.

·       Philippine gam  Tacloban khuapi leh akiim apaamteng Typhoon kici huihpi in nasiatak in 11/08/13 ni in nawk ahihman in atawmpeen mi 120 lampi tung ah si a Vanleeng tual, Mawtaw inn le lo tampi tak asiat baan ah mipi 12million in gimna tuak uhhi.  Huih nunna peen naikhat tai 190 haat cizen mi 1,000 vaal siding in kilam en hi. 2012 kum in Phillipine gam hi Typhoon huihpi mah in nasiatak in nawk a mi 1,000 si uhhi. Tu in Hih Typhoon huihpi in Vietnam gamlam manawh a , 11/10/13 ni in Vietnam gam nawkkhading in mipil ten  genkhia uhhi

·       USA gam sumzonna leh nasep na lam khangseemseem, nasep amunmun ah tamtektek a, September kha sung in nasepthak 60,000 piangkhia in, October kha sung bekbek in nasepthak 204,000 piangkhia  hi ci in US kumpi thunei te in 11/08/13 ni in taangkokhia uhhi.

·       Somalia gam Mogadishu sung aom Hotel Maka sung ah 11/08/13 ni in Bomb puakkham a, mi 6 sipah in 15 naakliam mahmah hi ci in Somalia kumpi thunei te in genkhia uhhi.

·       Kiginkholh luatna  omselo pi in Leitung a thahaatpeen gamte ahi  P5+1 kici : US, Russia, Britain, France leh  China+Germany gampan palaaipi te leh Iran gam palaaite Iran gam Nuclear vaai anithumna kikupna Geneva khuapi ah 11/08/13 ni in nei uhhi. US Secretary of State John Kerry in agenna ah thupi teng cianlaai ci in genkhia hi.

Laai mal&ani akha kikhial kha aom leh ngaihdam bawm ah ong na khiatsak un maw

Thang Khawm Pau Zomi

http://buanli.blogspot.com

·       Pa Langh Hau Cin (KapTel Khua )Songput Beh, leh Nu Vung Lam Cing (Kap Tel Khua ) Songput beh te I Tanu Cing Lun Kim Kum 2 leh kha 6 in 11/06/13 zingsang nai 4:00Am kiim a ongnusia 11/08/13 ni zingsang  nai 9:45am in Haanmual ah buaina omlo in kivui khinta hi. Hun Kheempeuh ZMBC pawlpi in ongmakaih in, Zomi Innkuan Kentucky in tanu ongsepsak hi.

·       Tua ban ah Nashville Khuapi a om ZCC pawlpi Upa Dai Thang, Sia Piang leh Shalom pawlpi pan Sia Kam Kap , Owensboro khua pan Nu Cing Bawi, Nu Dim te  in Pasian leh Zomi a itna hang uhtawh si onggaal uhhi. Misi buk ah Sia Rev Kam Kap in hanthotna tomno nei in Haanmual ah Innteek pawlpi Pastor Rev Zam Suan Mung in sihvuina nei hi.

·       Cingnu tungtaang ah online pan ongdahpih kheempeuh,Khual pan  ongpai a si onggaal te kheempeuh , Thungetna ah ongphawk kheempeuh leh onggimpih ongtawlpih kheempeuh tung ah lungdamna lianpi kongko uhhi. ( Inn teek baangkua )

·       Hih misi nu pa Pa Langh Hau Cin peen mikim theihding in 1994 kum Tedim khuapi sangnaupang pawipi a  Helicopter abawltawm leengsak a, Set an su abawl Music ginlian ciang a Muutpuak aleeng ziahziah ding a abawl Zomi Setvanlam asiam mahmah aminthang UPC pawlpi Sia Khai Thang tapa ahihi.

·       Kawlgamsung Mualtungmi  khat ahi Kachin minamte gam Mansi huam khuano te ah October khabei pan tunidong  KIO leh Kawl Gaalkaapte nisim phial in kikaap zeuhzeuh uh a, 11/08/13 ni in nasiatak in kikaap na piang a tumahmah in zong kikaapkaap laai uhhi. Mualtung mi thautawi teng Kawlkumpi in azu asa tawh kheemzon khin a Kachin bek cianlaai ahihman in kidona thupi seemseemding in kilam en hi.

·       Kawlgam ban akizuak kawlgammi 26, Numei 16,Pasal 10 te in 11/08/13 ni in Bangkok khuapi pan Km100 akigamlaatna khuano khat ah Kawlgam mizuak khaampawl  leh Thailand palikte kipawl in honkhiazo uhhi.

·       China kumpi te in masapeen vaaihawmna tawh NLD party te kaalkhat sung China gam ah hawhding in kho uh ahihman in December kha sung in NLD palaai 10 kuankhia ding hi ci in NLD zumpi te in 11/08/13 ni in taangkokhia uhhi.

·       Leitungbup Muslim kipawlna OIC November khakim pawl in Kawlgam hawhding uh a Rohingya Kala te thu vaanding hiu ci in 11/07/13 ni in OIC in taangkho khia uhhi.

·       Philippine gam  Tacloban khuapi leh akiim apaamteng Typhoon kici huihpi in nasiatak in 11/08/13 ni in nawk ahihman in atawmpeen mi 120 lampi tung ah si a Vanleeng tual, Mawtaw inn le lo tampi tak asiat baan ah mipi 12million in gimna tuak uhhi.  Huih nunna peen naikhat tai 190 haat cizen mi 1,000 vaal siding in kilam en hi. 2012 kum in Phillipine gam hi Typhoon huihpi mah in nasiatak in nawk a mi 1,000 si uhhi. Tu in Hih Typhoon huihpi in Vietnam gamlam manawh a , 11/10/13 ni in Vietnam gam nawkkhading in mipil ten  genkhia uhhi

·       USA gam sumzonna leh nasep na lam khangseemseem, nasep amunmun ah tamtektek a, September kha sung in nasepthak 60,000 piangkhia in, October kha sung bekbek in nasepthak 204,000 piangkhia  hi ci in US kumpi thunei te in 11/08/13 ni in taangkokhia uhhi.

·       Somalia gam Mogadishu sung aom Hotel Maka sung ah 11/08/13 ni in Bomb puakkham a, mi 6 sipah in 15 naakliam mahmah hi ci in Somalia kumpi thunei te in genkhia uhhi.

·       Kiginkholh luatna  omselo pi in Leitung a thahaatpeen gamte ahi  P5+1 kici : US, Russia, Britain, France leh  China+Germany gampan palaaipi te leh Iran gam palaaite Iran gam Nuclear vaai anithumna kikupna Geneva khuapi ah 11/08/13 ni in nei uhhi. US Secretary of State John Kerry in agenna ah thupi teng cianlaai ci in genkhia hi.

Laai mal&ani akha kikhial kha aom leh ngaihdam bawm ah ong na khiatsak un maw

Thang Khawm Pau Zomi

http://buanli.blogspot.com