Thanksgiving Day
Adiak in USA gama omta ding in kumsim
a kibawl ahi Thanksgiving Day ongtungkik petpet ta a mikheempeuh nasep
khawlding ahih man in killing litlit in ha dawk seisai geuh in ki om ciat hi.
Thanksgiving day peen lungdamkoh ni
ahihmah bang in Pasian tung ah lungdam kohna ni zong kici in Khat le khat tung
ah lungdam kikohtuahna ni in zong kizang hi. Biakna tawh kisailo a, Biak inn
tek ah pawibawlding khawng leh Gospel trip peuh neihnading hun hilo hi.
Adiak in Zomi te peen khat le khat lungdam kikohding hamsa asa phadeuh te
hiding in kangaih sun a, Ahau khat omleeng zong khangkhat zong ikhomlohna peen
hih lungdam ikikohlah man zong himaiding in
kalam en hi.
Tua ahihman in tukum 2013 kum peen
thak in Pasian tung ah lungdam ikoh mah bang in khat le khat lungdam kikohtuahna in zangleeng cih
kalung gulh pha mahmah hi.
Papi ten izi te tung ah Ngaihno aw teek
phinphian in kahoih kei zong in nong it kalungdam hi. Ka nasep kaal in ita te
hoihtak nakeem a, Ann lim nono tawh nongvaai tut ban ah nong maitai siusiau man
in kalungdam lua ciding hi hang.
Nupi te in zong Ilawmpa te kiang ah U
aw kei le itate nongkhualna hang in ngaplo pipi in nasep kuan tantan in ami
zatam laai ah keibek mah nongcih tentan kalungdam lua, Siamlo pipi a kahuan ann
te limlo nasakpipi mah kei nong it man in limsi nongcihsak a kamkhauh tawh
nongho ngeiloh kalungdam lua ciding hi hang.
Itate tung ah na Nu na Pa pillo
siamlo pipi mah kathu gente ngaai in kathu nongman man in kalungdam lua hi bawi
aw ciding hihang.
I Nu I Pa ciat tung ah Nu aw Pa aw
ittaaklo nathu zong ongmangzolo, keibang lel nong it a, kamkhauh tawh zong
ongho ngeilo in kaminpi tawh zong
nongsaploh ban ah kei nongkhual nahaang in azin azan cilo in nasem Kankan in
nongvaak nongkepna te kalungdam lua hi ciding hihang.
Tuabek hilo Isia te Imakaai te kiang ah nongmakaih
nahaang in kalungdam ci in Sia aw , Makaai pa aw kamawhna ongmaai sak in nangtung ah akigenzolo
kalungdamna tuni in kongpuak hi ciding hihang.
Tuabek hilo laai, Sum le paai, tha le
ngal, thu le la tawh onghuh ongpanpih ngei eitung athupha ongbawl ngeite tung
ah, Nasep ongguan, kam ongpheensak te kheempeuh tung ah nonghuhna nongpanpihna
te hang in kalungdam hi ci in lungdam ko ding hi hang.
Na upkei leh nasin hamtang in nanun
taakna ongkilamding a Thanksgiving Day acih I alimna naciamkha peelmawh ding
uhhi.
Thang Khawm Pau Zomi