2009, Zomi Nam Ni Thu Puak
Akipatcil in thu om-a thu in Pasian hi-in Zomi te or Leitung mihingte zong thu or Pasian tawh anungta , Tualo a apiangtheilo mihingte ihihi. Tua ahihman in i Zomi minam sung ah bangci nuntaakding cih ahizong, koicikhantohding cih ahizong, koicibang a ki-ukding cih ahizong in akisam mahmah ahi Thu or Pasian tawh tonkhawm a ikaalsuanding hun ahita hi.Tua ciang, Zomi te ihihmahbang in ikambehtawh Zomi akicite hilo in iomdan, anuntaakzia, ipilna te tawh Zomi pholaakkhia a itanko hun hita hi. I kamtawh eiteng sung ah ei Zomi te icihcih pong hang midante kiang ah Zomi ihihna itaangkokei leh akilamdanna omlokhading hi.
Pasian Thu leh Zomi
Pasian anseem tampitak or thu um mahmah mitampitak in leitung thuleh ahihkei leh minam vaai ahihkei leh Politics te Pasian thu tawh kisailo kipawllo acibangkeekkhat in minam vaai politics naseemte kitaakbawl in amau leh mau mahmahzong sepngamding septheihding in ngaihsunlokha uhhi. Ataktak in Pasian icih in thu hi-a minamvaai, politics icihtezong thumahmah ahih man in akisailohnading , sepngamlohnading khatzong omkilkello a tuibang a luangkhawmding vive ahihi. i Pasian zong alangkhatlampan enleeng Politician leh minamvaai anaaksep mahmahkhat ahihi. Vantung ah zong politics or minamvaai nanaaksep mahmah uhhi. Satan in Pasian thuneihna deih in haza in atuhsawm takciang Pasian heh in tuankhia a amau minasungvaai buaina hang in politics pikhat hongsuak a tudong election bawl ngaekngek uhhi. Tua ahihman in Pasian naseemte politician vive hi-a politician tezong Pasian nasem vive mah ahihi.
Iminamsung khantohtheihnading
Hongbawlpa Pasian izahtaak kuulmasa a tuaban ah ikhantohtheinading akisam mahmah ahi naupang pattahdaan, pilnasiamna aneisaten azatdan, sum le paai zaozia , sum le paai neikhinsten azatzia, pilnasin khangno ten ngimna, minamveina , kipawlkhawm a nasepkhopnate leh kiim leh paamtawh kiziopna te kin ngaihsut in Nu leh Pa ten khannote pattahzia, pahtawizia te siam in ikisap ahi thu,la.......atuamtuam te ah kilomkhawm a panlaakna mapi ineih hun ta hi.
Nu leh Pa te
Nu leh Pa te in itu ita tetung ah ZOMi ihihna, ingeina, ipau , ilaai, ikhankhiatzia, inuntaakna, behsung phungsungvaai, mokipi kileizia, ingeina,lam,la,puansilh te akipan midantetawh ikilamdanzia, ibiakna, zu kiluup sa kibahzia, sungta putu ki-itzia te teltak a itheisak hun hita hi. Tua ban ah naupangte gutamaw, mihaimaw, mikhelmaw, zukhamkhammaw, minamvei apilnasangpisinding cihte Nu leh Pa khutsung ah akicing in om-a nangma deihsakbang, nangma pattahbang in hongnungtading a nahilh ngeihtuteng mah hongtheiding ahihman in NU leh PA ten Zomi bupkhantohnading keima khutsung ah om a keilo in kaminam khangtoloding hizenmaw cihthute lungngai in ikaalsuanzia te khangkhan hun hita hi. ZOMi hongkhangto leh nangzong akhangto na hihi.
Khangnote
Laisiangtho leh Pasian in khangnote thupi asak mahbang in khangnote nuntaakna, vaaihawmna, geelna , sepkhiatna te thupi a muibun mahmah hi.I khangno hunsung asia apha tampitak kibawlthei a khangnolaai ihihmahbang in kithahat in nakhempeuh kisemzo kibawlzo hi. pilna siamnazong kisinzo kizongzo a zongkipil takpi hi. Tua ahihman in ikhangno hunte pilna siamna sum le paai zonnading in zang in ipil isaimna te iminam ading in ineihsa pilna siamna, hauhnate zeekkhia ni. Nang nazeekkei a iminam naveikei leh kuaman hongveiloding a nanghang in iminam akiamsuksukding hita hi. Na pil Nasiamna Na hauhna te iminam ading nazatleh nanghang in iminam maaizumloding a iminamkhangto in nangzong akhangto na hihi. Nanghau mahmah pilmahmah napin iminam khangto keileeng mitelak ah naminam zong nageending maaizumkhading nahihman in kizun kipuah hun ta hi.ama adingbek amipilte mipil in kiciamtehlo a midangte ading tawh apilte mipil in kiciamteh hi.Pil mahmah in i minam khantohnading in pilnasiamna hauhnate akisap mahmahbang mah in amimalzong kisam a mikhat bek pawlneilokhat kumpiding amah leh amah kiteel cihbang omtheilo a ateelding apanpihding mitampitak mahzong kisam ahiihman in khangnote zi neilo, Pasal neilo , taneilo in kumtampipi mawkvaakhun hinawnlo hi. Zi , Pasal neilo a kumtampi mawktangvaal, mawk nungak cihtepawlzong kaminam pungkei hen acitawh kibang ban ah kumpiding asitsit na hihi. . Ithate saan ni iminamzong punsawmding ngaihsutpi in nei ta ni nangtung pan i Zogam in mipiltampi tak honglam en gige hi. I Zomi nam pung a ikhantohnading nangkhutsung ah abucing in om hi. Zomi ihihmahbang in iminamna isepkhoptheihpihding ZOMi pasal, ZOMi zimah zong ni iki-itciang bel genvetloh ikitotciang nangawn in ZOMi pautawh ikitot mah nuamzawlaai hi.
Kipawlkhawm a sepkhop hunta
Tuhun laaitak in minamvaai, politics te ah na isepnop hang in aseemtheiding mipil misiam leh sum le paai akicing in ineinaaikei hi. Tuaban ah khatguak a pilnasiamna zong a Zomi bup huhzahdong ding in akitawisang mi i omnaaikei hi. Tua ahihman in mite tawh kikim or mitetung ah ileentheihnading in pilnasiamna, hauhnate inaakzon mahmah kul a tuamun ah kipawlkhawm a sepkhopna naakpitak in hongkisamding hi. Tulaaitak i ZOGAm or gampuate ah ZOMi te bangzah pilnasiamna asinzoding athei kua om a kuateng sum le paaizon nalam ah kiva a bangcisepkhopleeng koicikhantohding cihthute isep hun hita hi. USA gam munkhat bangdan in ZOMi leh ZOMi nangawn lawm nangbangzah khawi ikicihcih mawkleh khantohgimnamloding hihang.
Ka Thu Sun NA
I Zomi sung nuntaakna hamsatna, mimal giitnaatlohna hang in leitungpilnate kipeel in cihmawhtunna in Laisiantho sanglam kidelh a pilnasaangpipi kitung mah hi. A tawpna sa ah tua zolo a nusiat leitungpilna le Pasianthu kisailo acimi ki omkhading thei hi. Ka cihnop n a ah leitungpilna asintheiding ten sinmasa hamtang ni Laaisiangthozong sintheih laai veve hi.
I tenna khua ciatciat pan khangnote pilnasina thupitak in vaaihawm masak in nei ni. Ahihtheih leh iminam sung laaitansang onkheempeuh tentanpia in amau kivakna ciatciat ah sang azop zawh nading in leitungbup a om ZOMi ten sum leh paai thu le laa tawh panpih in atawmpeen kumkhat khatte piklnasangsin ZOMi khangno neihding hanciam ni. A sawtlo in ZOGAm hongpaal luunding hi.
Thang Khawm Pau ZOMi
KY,USA
